Kalɛ 3:10 - NYANMIƐN NDƐ'N 1998

¹⁰ Sie Aarɔn nin i mma'm be ngunmin, man be di min nyrun jranlɛ junman'n. Sɛ sran kun ti-man min nyrun jranfuɛ, nan ɔ fɛ i wun wla be nun'n, man be kun i.»

Kalɛ 3:10 ပူးပေါင်းရင်းမြစ်များ

2 Samiɛl 6:7

Yɛ Anannganman fɛli i wun ya-a. Nan ɔ'a bu i fɔ i osu kunngba'n nun lɛ, afin ɔ fata-man kɛ ɔ kan Anannganman i alaka'n, kpɛkuun ɔ kɛnnin i. Iza wuli lɛ, alaka'n wun lɛ.

1 Famiɛn Mun 12:31

Zeroboam kplannin sua mun sraka yiwlɛ lika nga be o kpɔlɛ'm be su bé wun lɛ. Ɔ sieli sraka yifuɛ mun. Sran nga be ti-man Levi akpasua sufuɛ'n, be nun wie yɛ ɔ fa be sieli-ɔ.

1 Be Nyoliɛ 6:32

Semɛr liɛ'n yɛlɛ Makli, Makli liɛ'n yɛlɛ Misi, Misi liɛ'n yɛlɛ Mɛrari, Mɛrari liɛ'n yɛlɛ Levi.

Neemi 6:11

N tɛli i su kɛ: «N ti-man sran nyrun wanndifuɛ. ?Sɛ sran kɛ min sa ɔ wlu Nyanmiɛn i sua nun'n, nán wulɛ cɛ yɛ ɔ ´wu-ɔ? N wlu-man lɔ!»

Ezipt Lɔ Tulɛ'n 29:9

Fa be cisu mun ci be afiɛn, fa bé kle mun wla bé ti. Kpɛkuun min nyrun jranlɛ junman'n ɔ ´ka bé sa nun titi. I sɔ mmla liɛ'n su kaci-man le. Wafa nga a ´fa Aarɔn nin i mma mun a ´sie kɛ be yo min nyrun jranfuɛ mun'n yɛ ɔ o yɛ:

Ezekiɛl 44:8

Amu'an nian-man min sua'n i nun junman su amu'an di-man, yɛ amun fali aofuɛ nga mun kɛ be sin amun ajalɛ nun be `yo.›

Saun Yolɛ 22:10

Sran ng'ɔ ti-man min nyrun jranfuɛ'm be awlo buɛ liɛ'n nun sran'n, ɔ fata-man kɛ min aliɛ nga be man min'n, ɔ di wie. Sɛ kannzɛ aofuɛ wie yɛ ɔ tran min nyrun jranfuɛ'n i sa nun'n, bɔ wie kusu-ɔ ɔ di i sa nun junman'n, b'ɔ tannin i kalɛ'n, ɔ lɛ-mɛn i wun atin di-man wie.

Kalɛ 1:51

Sɛ amun su tu amun bo kɔ lika uflɛ'n, be yɛ be ti i tutufuɛ-ɔ. Blɛ bɔ amun ´kplan amun ngblaliɛ mun'n, be yɛ be ti tannin sua'n i kplanfuɛ-ɔ. Sɛ ɔ min kun bɔ a ti-man Levifuɛ a ko mantan mín tannin sua'n, be ´kun wɔ.

Kalɛ 16:10

Wɔ Kɔre, a nin ɔ niaan Levifuɛ'm be kwlaa, Anannganman fali amun kɛ amun mɛntɛn i, kpɛkuun amun waan amun ´yo i nyrun jranfuɛ.

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Kalɛ 18:3

Be ´di junman be ´man amun, yɛ be ´di junman min tannin sua'n nun. Kɛ ɔ ´yo nan b'a wu-man nan amun bɔbɔ kusu amu'an wu-man'n ti, nán be mantan ninnge nga be ti min liɛ klonglo'n mun annzɛ min sɔwlɛ'n.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 3:11

Anannganman seli Moiz kɛ:

Kalɛ 3:38

Moiz, nin Aarɔn nin i mma'm be ngblaliɛ liɛ'n wo wia afiliɛ lɔ kan be sin be wlu Anannganman i tannin sua ng'ɔ yi i wun nglo nun'n nun lɔ'n. Be yɛ be ´di Nyanmiɛn i lika'n i nun junman Izraɛlfuɛ'm be kwlaa be dunman nun-ɔn. Sɛ sran wie b'ɔ ti-man Nyanmiɛn i nyrun jranfuɛ'n, i waan ɔ ´di i sɔ junman'n wie'n, be `kun i.

Rɔmfuɛ Mun 12:7

Sɛ ɔ man sran kun ekun si sran'm be lika nian'n, man ɔ nian be lika. Sran nga kusu b'ɔ man ɔ si like kle'n, man ɔ kle,

Efɛzfuɛ Mun 2:19

I sɔ'n ti'n, an ti-man aofuɛ annzɛ nvle wie nunfuɛ kun, sanngɛ amun nin Nyanmiɛn sran mun amun nvle ti kun, yɛ an ti i mma mun.

Mmla'n 18:5

Afin be yɛ Anannganman amun Nyanmiɛn'n ɔ niannin amun akpasua'm be nun, nan ɔ'a kpa be nin be osu nunfuɛ'm be kɛ be jrɛn i nyrun nan be su i titi nin-ɔn.

Hébreu 8:4

Sɛ ɔ ti asiɛ'n su wafuɛ'n, wuun ɔ su yo-man Nyanmiɛn nyrun jranfuɛ, afin be nga be klɛli mmla'n nun kɛ be fa like nga sran'm be waan be ´fa man Nyanmiɛn'n be fa mɛn i'n, i sɔfuɛ'm be o lɛ.

Jɔlɛ Difuɛ Mun 17:5

Mika sɔ'n, ɔ lɛ i bɔbɔ i amuɛn sua. Ɔ yili waka sran uflɛ ɔ nin awlo amuɛn wie mun. Yɛ ɔ fɛli i wa'm be nun kun sieli kɛ ɔ yo i amuɛn'm be nyrun tranfuɛ.

1 Samiɛl 6:19

Bɛt-Semɛsfuɛ'm be niannin Anannganman i alaka'n nun, i ti ɔ nin be nyɛnnin. Ɔ kunnin be nun sran ableso. Klɔ nunfuɛ'm be trannin awlaboɛ nun sa yalɛ dan sɔ'n bɔ Anannganman fa yili bé su'n ti.