Kalɛ 28:8 - NYANMIƐN NDƐ'N 1998

⁸ Yɛ man be `fa bua'n i nnyɔn su'n be man min nnɔsua nun. Cɛlɛ ninnge kunngba nga be fa ukali nglɛmun bua'n su'n, yɛ be `fa uka nnɔsua nun liɛ'n su-ɔ, ɔ ti tɛ bɔ be yrɛ i nnɛn'n kɔlikɔli b'ɔ bɔn min bue nun fannin.»

Kalɛ 28:8 ပူးပေါင်းရင်းမြစ်များ

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 1:17

Ɔ `tu i ndɛwa mun sanngɛ nán man ɔ kpaci be nun. Yɛ man min nyrun jranfuɛ'n yra anunman'n min sɔwlɛ'n su yie'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.»

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Kalɛ 28:7

Man be fa nzan litri kun nin sin be `uka bua bɔ ɔ'a kpɛ cro nga be fa yi nglɛmun nun tɛ'n i su. Nzan sɔ'n, man be guɛ i ase man min, be guɛ i ase min lika kpa i nun.

Kalɛ 28:9

«Wunmiɛn-delɛ-cɛn'n nun'n, man be fa bua nga b'a kpɛ cro'n bɔ b'a di afuɛ kun'n, bɔ lɛ fi nun-man bé wun'n, i sɔ nnyɔn, be `fa yi tɛ be man min. Man be sie su ble sanmlɛn mlɛnnɛnnɛn kpa kilo nsiɛn bɔ be fɔtɔli i nin ngo'n, yɛ man be sie su nzan nga be guɛ i ase'n.