Kalɛ 28:7 - NYANMIƐN NDƐ'N 1998

⁷ Man be fa nzan litri kun nin sin be `uka bua bɔ ɔ'a kpɛ cro nga be fa yi nglɛmun nun tɛ'n i su. Nzan sɔ'n, man be guɛ i ase man min, be guɛ i ase min lika kpa i nun.

Kalɛ 28:7 ပူးပေါင်းရင်းမြစ်များ

Ezipt Lɔ Tulɛ'n 29:40

Kɛ be ´fa nglɛmun nun bua liɛ'n be ´kɔ yi tɛ'n, man be fa ble sanmlɛn kilo nsan. Man be bo sanmlɛn'n nin olivie ngo litri kun nin sin. Man be fa nzan litri kun nin sin. Ɔ ti ase gualɛ liɛ.

Ezipt Lɔ Tulɛ'n 29:42

Kɛ ɔ fin ndɛ b'ɔ ´fa kɔ'n, nán be yaci tɛ sɔ'n b'ɔ ti min liɛ klonglo'n i yilɛ. Man be yi i tannin sua'n i anuan'n nun min nyrun lɛ. Lɛ yɛ min nin amun e ´yia yɛ n ´kan ndɛ n ´kle wɔ-ɔ.

Ezipt Lɔ Tulɛ'n 30:9

Nán be fa ansans uflɛ b'ɔ ti-man min liɛ'n be yrɛ i su. Nán be yi tɛ nga be yra be nnɛn'n kɔlikɔli'n i su. Nán be fa ble annzɛ like ng'ɔ ti kɛ ble sa'n be yi sraka su. Nán be gua nzan bɔ be fa man'n i ase min sɔwlɛ nga fuɛ'n su.

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:9

Ninnge nga be fa ko man Anannganman i sua'n nun lɔ'n, ɔ nin nzan nga be guɛ i ase lɔ'n kwlaa ɔ'a wie siɛn'n. Ɔ man Nyanmiɛn nyrun jranfuɛ'm be o sɛ nun, Nyanmiɛn i sufuɛ nga be jrɛn i nyrun'n, be o sɛ nun.

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 23:13

Amun `sie su ble sanmlɛn mlɛnnɛnnɛn kpa'n i kilo nsiɛn, nán be `fɔtɔ i nin ngo. I sɔ like liɛ'n, man be yrɛ i, afin ɔ bɔn min bue nun fannin fannin. Man be sie su nzan litri kun nin sin.

Kalɛ 15:10

kpɛkuun, man be uka su nzan litri nsan. Kɛ be yrɛ i'n, ɔ bɔn min bue nun fannin.

Kalɛ 15:5

Yɛ be `fa nzan litri kun nin sin be `fa sie i bua nga ɔ'a kpɛ cro b'ɔ ti tɛ nga be yrɛ i nnɛn'n kɔlikɔli'n annzɛ b'ɔ ti bo kun yolɛ i su tɛ'n su.

Kalɛ 15:7

Kpɛkuun be `sie su nzan litri nnyɔn. Ɔ bɔn min bue nun fannin.

Kalɛ 28:14

Nzan nga be guɛ ase'n kusu, litri nsan yɛ be `fa sie i nannin tola kun su-ɔ, litri nnyɔn yɛ be `fa sie i bua nene kun su-ɔ, yɛ litri kun yɛ be `fa sie i bua nga ɔ'a kpɛ cro'n kun su-ɔ. Kɛ amun wlu anglo uflɛ kwlaa nun'n, tɛ ng'ɔ fata kɛ amun yi'n yɛ ɔ o lɛ-ɔ. Amun `yi i sɔ afuɛ nuan kun nun anglo'n kwlaa nun.

Kalɛ 28:31

Tɛ sɔ nga amun yi be lɛ'n be uka tɛ nga amun yrɛ i nnɛn'n titi'n, nin sraka nga amun fa ble annzɛ like ng'ɔ ti kɛ ble sa be yi'n be su. Nnɛn nga amun fa yi tɛ'n, nán lɛ fi tran bé wun, yɛ amun fa nzan nga be kleli'n amun `fa uka bé su.»

Kalɛ 28:6

Tɛ nga be yrɛ i nnɛn'n kɔlikɔli'n bɔ be yili i Sinai oka'n su lɔ'n, i kunngba nin-ɔn. Ɔ ti tɛ kun bɔ be yrɛ i nnɛn'n kɔlikɔli, kpɛkuun ɔ bɔn min bue nun fannin.

Kalɛ 28:8

Yɛ man be `fa bua'n i nnyɔn su'n be man min nnɔsua nun. Cɛlɛ ninnge kunngba nga be fa ukali nglɛmun bua'n su'n, yɛ be `fa uka nnɔsua nun liɛ'n su-ɔ, ɔ ti tɛ bɔ be yrɛ i nnɛn'n kɔlikɔli b'ɔ bɔn min bue nun fannin.»

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.