Kalɛ 28:6 - NYANMIƐN NDƐ'N 1998

⁶ Tɛ nga be yrɛ i nnɛn'n kɔlikɔli'n bɔ be yili i Sinai oka'n su lɔ'n, i kunngba nin-ɔn. Ɔ ti tɛ kun bɔ be yrɛ i nnɛn'n kɔlikɔli, kpɛkuun ɔ bɔn min bue nun fannin.

Kalɛ 28:6 ပူးပေါင်းရင်းမြစ်များ

2 Be Nyoliɛ 2:4

Sua nga n ´kplan'n, ɔ ´yo sua dan, afin e Nyanmiɛn'n i dan tra like nga be su be'n be kwlaa.

2 Be Nyoliɛ 31:3

Famiɛn'n fɛli i bo sika'n i bue toli nnɛn nga be fa yi tɛ bɔ be yra be nnɛn'n kɔlikɔli'n. Be yi tɛ sɔ mun nglɛmun nin nnɔsua. Ɔ fali wie ekun toli nnɛn nga be fa yi tɛ wunmiɛn-delɛ-cɛn'n nun'n nin anglo le kun'n, ɔ nin cɛn dilɛ kun nga'm be nun'n. Anannganman i mmla'n yɛ ɔ kan kɛ be `yi tɛ sɔ mun-ɔn.

Ɛsdras 3:4

I sin be dili tannin sua'm be cɛn'n kɛ be klɛli i kɛ be di'n sa. Cɛn kwlaa, nnɛn nga be kleli'n, be niɛn i nuan'n su be kun be. Be fa yi tɛ nga be yrɛ i nnɛn'n kɔlikɔli'n.

Jue Mun 50:8

Nán sraka nga amun yi be'n be ti yɛ n ijɔ amun-ɔn. I kpa'n bɔ, tɛ nga be yrɛ i nnɛn'n kɔlikɔli'n, ɔ lɛ-man cɛn kun bɔ amun yi-man-an.

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezekiɛl 46:14

Nglɛmun kwlaa be `fa ble sanmlɛn kilo nnun nan be fa ngo litri nnyɔn be fɔtɔ i be man Anannganman. I sɔ mmla liɛ'n, ɔ ´yo adudua, yɛ be ´yo i sɔ tititi.

Ezekiɛl 46:15

Nglɛmun kwlaa be ´fa bua nga ɔ'a kpɛ cro'n nin ble sanmlɛn'n nin ngo'n be ´man Anannganman, man be sɔ i tititi.»

Saun Yolɛ 27:34

Mmla nga Anannganman kan kleli Moiz Sinai oka'n su lɔ kɛ ɔ kan kle Izraɛlfuɛ mun'n yɛ ɔ o lɛ-ɔ.

Saun Yolɛ 6:9

I ng'ɔ ka'n, ɔ ti Aarɔn nin i wa yasua mun be liɛ, man be di, sanngɛ kɛ be ´di'n, nán man be gua nun kpaun ayre. Tannin sua nga n yi min wun nglo nun'n b'ɔ o min lika i awlo klun nun'n, lɛ yɛ be `di i-ɔ.

Amɔs 5:25

?Izraɛlfuɛ mun, afuɛ ablanan nga an dili i aawlɛ flɛnnɛn nun lɔ'n, amun yili tɛ be mannin min? ?Amun yili sraka mannin min cɛn kun sa le?

Kalɛ 28:5

Man be sie su ble sanmlɛn mlɛnnɛnnɛn kpa, be fa olivie ngo b'ɔ ti litri kun nin sin'n be fa fɔtɔ i.

Kalɛ 28:7

Man be fa nzan litri kun nin sin be `uka bua bɔ ɔ'a kpɛ cro nga be fa yi nglɛmun nun tɛ'n i su. Nzan sɔ'n, man be guɛ i ase man min, be guɛ i ase min lika kpa i nun.

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.