Kalɛ 28:4 - NYANMIƐN NDƐ'N 1998

⁴ Man be fa bua bɔ ɔ'a kpɛ cro klikli'n be yi tɛ nglɛmun, yɛ i nnyɔn su'n, be `fa yi tɛ nnɔsua.

Kalɛ 28:4 ပူးပေါင်းရင်းမြစ်များ

1 Famiɛn Mun 18:29

Kɛ midi sinnin'n, be kpan flɛli Baal kekle kpa trali laa'n. Be yoli i sɔ lele fa ju blɛ nga be yi nnɔsua wia nun sraka'n, sanngɛ b'a ti-man be `fuɛn, b'a ti-man be `trɛ.

1 Famiɛn Mun 18:36

Kɛ blɛ nga be yi nnɔsua wia'n nun sraka'n juli'n, Eli ko jrannin nzrafuɛ'm be nyrun lɛ, yɛ ɔ seli kɛ: «Anannganman, Abraam Nyanmiɛn, Izaak Nyanmiɛn yɛ Zakɔb Nyanmiɛn, yo man ndɛkɛn be si kɛ wɔ yɛ a ti Izraɛl Nyanmiɛn nin-ɔn, nan n kusu n ti ɔ sufuɛ, nan wɔ yɛ man n yoli like nga kwlaa-a.

1 Be Nyoliɛ 16:40

I waan be yɛ be yi tɛ nga be yra be nnɛn'n kɔlikɔli nin-ɔn. I waan be yi tɛ sɔ mun Nyanmiɛn sɔwlɛ'n nun be man Anannganman nglɛmun nin nnɔsua. Mmla nga Anannganman fa mannin Izraɛlfuɛ mun'n, i nun sa'n kwlaa, i waan be yɛ be `yo-ɔ.

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Ezipt Lɔ Tulɛ'n 12:6

Be `sie i lɛ lele anglo'n i le blu le nnan su. Cɛn sɔ'n, i nnɔsua nun'n, man Izraɛl nvle'n nunfuɛ'm be kwlaa be kpɛ be nnɛn nga be kpali be'n be kɔmin.

Daniɛl 9:21

Kɛ bɔ n tɛ ijɔ sɔ'n, kpɛkuun anz Gabriɛl nga bɔ n dun mmua wunnin i aolia nun klikli kun'n, ɔ tuli ndɛndɛ ɔ wunngeli mín wun wa, nnɔsua nun blɛ nga i nun yɛ be yi sraka'n i su yɛ ɔ bali-ɔ.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Saun Yolɛ 3:7

Sɛ ɔ ti bua bɔ ɔ'a kpɛ cro yɛ ɔ fa'n, man ɔ fa bla min nyrun lɔ ko `kle min.

Kalɛ 28:3

Cɛn kwlakwla amun `fa bua nga b'a kpɛ cro'n bɔ b'a di afuɛ kun'n, i sɔ nnyɔn be blɛ min. Bua nga b'a kpɛ cro'n sɔ'n, bɔ lɛ fi nun-man bé wun'n, man be yra be wunmuan'n. Ɔ ti tɛ kun bɔ be yrɛ i nnɛn'n kɔlikɔli'n. Man be yi i tititi be man min.

Kalɛ 28:5

Man be sie su ble sanmlɛn mlɛnnɛnnɛn kpa, be fa olivie ngo b'ɔ ti litri kun nin sin'n be fa fɔtɔ i.

Kalɛ 9:3

Amun `di cɛn sɔ'n i blɛ nga n kleli'n su. Amun `di i anglo ng'ɔ o yɛ'n i le blu-nin-nnan'n i nnɔsua nun. Amun `niɛn i mmla'n nin i siesielɛ nga be fa siesieli'n su be yo.»