Kalɛ 28:3 - NYANMIƐN NDƐ'N 1998

³ Cɛn kwlakwla amun `fa bua nga b'a kpɛ cro'n bɔ b'a di afuɛ kun'n, i sɔ nnyɔn be blɛ min. Bua nga b'a kpɛ cro'n sɔ'n, bɔ lɛ fi nun-man bé wun'n, man be yra be wunmuan'n. Ɔ ti tɛ kun bɔ be yrɛ i nnɛn'n kɔlikɔli'n. Man be yi i tititi be man min.

Kalɛ 28:3 ပူးပေါင်းရင်းမြစ်များ

1 Be Nyoliɛ 16:40

I waan be yɛ be yi tɛ nga be yra be nnɛn'n kɔlikɔli nin-ɔn. I waan be yi tɛ sɔ mun Nyanmiɛn sɔwlɛ'n nun be man Anannganman nglɛmun nin nnɔsua. Mmla nga Anannganman fa mannin Izraɛlfuɛ mun'n, i nun sa'n kwlaa, i waan be yɛ be `yo-ɔ.

2 Be Nyoliɛ 8:13

Tɛ ng'ɔ fata kɛ be nian be cɛn'm be su be yi'n, bɔ Moiz kannin be ndɛ'n, Salomɔn yi be. Ɔ yi wunmiɛn-delɛ-cɛn'n nun liɛ'n mun, nin anglo le kun liɛ'n mun, ɔ nin cɛn dandan nsan nga be di be afuɛ kwlakwla'n be liɛ'n mun. Cɛn dandan sɔ mun'n, kun yɛlɛ kpaun bɔ kpaun ayre nun-man nun'n i cɛn'n, kun yɛlɛ le mɔcuɛ'n i cɛn'n, yɛ kun ekun yɛlɛ kpata'm bé ti cɛn dilɛ'n.

Ɛsdras 3:5

Kɛ ɔ fɛ lɛ'n, cɛn kwlaa be yi tɛ nga be yrɛ i nnɛn'n kɔlikɔli'n, ɔ nin anglo le kun tɛ mun, ɔ nin tɛ nga be yi i Anannganman i cɛn dilɛ'n be kwlaa nun'n, ɔ nin be klun klo tɛ nga be yi'n .

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 12:11

Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 8:11

Ɔ ti nyanman lele toli nyanmiɛn su lɔfuɛ'm bé su kpɛn'n i lɔ. Ɔ man be yacili tɛ nga be yi man kpɛn sɔ'n cɛn kwlakwla'n i yilɛ, nan ɔ'a yo kpɛn'n i tranwlɛ'n i fiɛn.

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Saun Yolɛ 3:5

Aarɔn i wa yasua'm be `yrɛ i ngba ng'ɔ o lɛ'n min sɔwlɛ'n su, ɔ nin nnɛn'n bɔbɔ nga be fa yili tɛ'n. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 6:9

I ng'ɔ ka'n, ɔ ti Aarɔn nin i wa yasua mun be liɛ, man be di, sanngɛ kɛ be ´di'n, nán man be gua nun kpaun ayre. Tannin sua nga n yi min wun nglo nun'n b'ɔ o min lika i awlo klun nun'n, lɛ yɛ be `di i-ɔ.

Amɔs 4:4

«Izraɛlfuɛ mun, an `wɔ Betɛl Nyanmiɛn sua'n nun lɔ, amun li nán amun yaci amun sa tɛ'n i yolɛ. Wie kusu-ɔ, an `wɔ Gilgal Nyanmiɛn sua'n nun lɔ amun li nán amun yaci amun sa tɛ'n i yolɛ. Kɛ an ju lɔ'n, i aliɛ cɛn'n, an `yi amun tɛ mun. I le nsan su'n, an `fa amún sa nun ninnge'n i blusu'n be man min.

Kalɛ 28:10

Wunmiɛn-delɛ-cɛn'n nun tɛ nga be yrɛ i nnɛn'n kɔlikɔli'n yɛ ɔ o lɛ-ɔ. Be `fa tɛ sɔ'n uka tɛ nga be yrɛ i nnɛn'n kɔlikɔli'n cɛn'n kwlakwla'n nin nzan nga be guɛ i ase cɛn kwlakwla nun'n be su.»

Kalɛ 28:15

Man be fa boli kpakpuɛ kun be yi tɛ be fa kpata min. I li nun-man tɛ nga be yrɛ i titi'n nin nzan nga be guɛ i ase manndimaan'n be nun wie.»

Kalɛ 28:23

Man be yi tɛ sɔ'n be fa uka nglɛmun kwlaa tɛ nga be yrɛ i nnɛn'n kɔlikɔli'n su.

Kalɛ 28:24

Amun `yi tɛ sɔ'n lele cɛn ba nso, ɔ ti aliɛ bɔ be fa yi sraka nga be yrɛ i kɔlikɔli'n b'ɔ bɔn min bue nun fannin'n. Man be yi tɛ sɔ'n be fa uka tɛ nga be yi i titi bɔ be yrɛ i'n, ɔ nin nzan nga be guɛ i ase manndimaan'n bé su.

Kalɛ 28:31

Tɛ sɔ nga amun yi be lɛ'n be uka tɛ nga amun yrɛ i nnɛn'n titi'n, nin sraka nga amun fa ble annzɛ like ng'ɔ ti kɛ ble sa be yi'n be su. Nnɛn nga amun fa yi tɛ'n, nán lɛ fi tran bé wun, yɛ amun fa nzan nga be kleli'n amun `fa uka bé su.»

Kalɛ 28:4

Man be fa bua bɔ ɔ'a kpɛ cro klikli'n be yi tɛ nglɛmun, yɛ i nnyɔn su'n, be `fa yi tɛ nnɔsua.

Kalɛ 29:11

Amun `fa boli kpakpuɛ kun be `yi tɛ nga be fa kpata min'n. Tɛ nga be fa nunnun tɛ mun'n nin tɛ nga be yrɛ i nnɛn'n kɔlikɔli titi'n, nin sraka nga amun fa ble sanmlɛn mlɛnnɛnnɛn kpa be yi'n, ɔ nin nzan nga be guɛ i ase'n, amun `fa uka bé su.»

Kalɛ 29:16

Amun `fa boli kpakpuɛ kun be `yi tɛ nga be fa kpata min'n. Tɛ nga be yrɛ i nnɛn'n kɔlikɔli'n bɔ amun yi i tititi'n, nin sraka nga amun fa ble sanmlɛn mlɛnnɛnnɛn kpa be yi'n, ɔ nin nzan nga be guɛ i ase'n, amun `fa uka tɛ sɔ'm be kwlaa be su.

Kalɛ 29:6

Man be yi tɛ sɔ'n be fa uka tɛ ng'ɔ o yɛ'n bé su: anglo kwlaa i cɛn klikli'n su tɛ'n bɔ be yrɛ i nnɛn'n kɔlikɔli'n, nin tɛ nga be yi i cɛn kwlakwla'n, ɔ nin bé su ble sanmlɛn mlɛnnɛnnɛn kpa bɔ ngo yɛ be fa fɔtɔli'n, yɛ be `su nzan nga be kleli bɔ be guɛ i ase'n. Tɛ sɔ'm be ti tɛ bɔ be yra be nnɛn'n kɔlikɔli'n bɔ be bɔn min bue nun fannin.»

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Hébreu 9:6

Kɛ be siesieli ninnge sɔ'n be kwlaa sɔ'n, cɛn'n kwlaa Nyanmiɛn nyrun jranfuɛ'm be wlu sua ba klikli'n nun be di be junman'n.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.