Kalɛ 28:2 - NYANMIƐN NDƐ'N 1998

² ɔ `kan ndɛ yɛ mun kle Izraɛlfuɛ mun. I waan: «Amun `nian su kpa nan sɛ i blɛ'n ju'n, amun `fa tɛ ng'ɔ ti min liɛ'n i aliɛ nga be yrɛ i b'ɔ bɔn min bue nun fannin be man min.

Kalɛ 28:2 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

1 Be Nyoliɛ 23:31

Be yɛ be yi tɛ nga be yra be nnɛn'n kɔlikɔli'n man Anannganman nin-ɔn. Tɛ sɔ'n i nuan ti klɛwa mmla'n nun, i su yɛ be nian be yi-ɔ. Be yi be wunmiɛn-delɛ-cɛn'n nun nin anglo le kun, ɔ nin cɛn dilɛ uflɛ'm be nun.

2 Be Nyoliɛ 23:18

I sin Zɛozada fali Anannganman i sua'n i su nianlɛ'n wlɛli i Nyanmiɛn nyrun jranfuɛ mun nin Levifuɛ'm bé sa nun. David dun mmua siesieli be akpasua-akpasua laa. Be ´yi tɛ nga be yra be nnɛn'n kɔlikɔli'n be man Anannganman i bɔbɔ i sua'n nun kɛ ɔ ti klɛwa Moiz mmla nun'n sa. I waan kɛ be ´di junman sɔ'n, man be klun jɔ, yɛ be `to jue mun kɛ David fa kleli'n sa.

2 Be Nyoliɛ 31:3

Famiɛn'n fɛli i bo sika'n i bue toli nnɛn nga be fa yi tɛ bɔ be yra be nnɛn'n kɔlikɔli'n. Be yi tɛ sɔ mun nglɛmun nin nnɔsua. Ɔ fali wie ekun toli nnɛn nga be fa yi tɛ wunmiɛn-delɛ-cɛn'n nun'n nin anglo le kun'n, ɔ nin cɛn dilɛ kun nga'm be nun'n. Anannganman i mmla'n yɛ ɔ kan kɛ be `yi tɛ sɔ mun-ɔn.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Ɛsdras 3:3

Srɛ kunnin be, be nga be fali be mɛn'n be trannin nun'n be ti, sanngɛ ɔ nin sɔ ngba'n, be kplannin Nyanmiɛn i sɔwlɛ'n, be kplɛnnin i i takawlɛ laa'n nun. Be yili tɛ nga be yrɛ i nnɛn'n kɔlikɔli'n be mannin Anannganman. Be yoli i sɔ nglɛmun kwlaa nin nnɔsua kwlaa.

Neemi 10:34

Sika sɔ'n, be ´fa wie to kpaun nga be fa sie i Nyanmiɛn nyrun'n, be ´fa wie to sraka annzɛ tɛ nga e su wa bobo be su yɛ be wun ninnge annzɛ be wun nnɛn mun: sraka nga be yi i cɛn kwlaa, tɛ nga be yrɛ i nnɛn'n kɔlikɔli'n, wunmiɛn-delɛ-cɛn tɛ'n, ɔ nin anglo le kun tɛ'n, ɔ nin cɛn dilɛ uflɛ nun tɛ'n, ɔ nin sraka uflɛ nga be yi man Nyanmiɛn'n ɔ nin Izraɛlfuɛ'm be ti kpatalɛ tɛ'n, yɛ be ´fa wie di Nyanmiɛn i sua'n nun siesielɛ junman'n kwlakwla.

Jue Mun 81:3

Amun `man jue su, amun `bo klɛn mma mun, amun `bo jru mun nin sanngo mun.

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Ezipt Lɔ Tulɛ'n 29:18

Yra nnɛn wunmuan'n min sɔwlɛ'n su. Ɔ ti tɛ kun b'ɔ be yrɛ i nnɛn'n kɔlikɔli'n b'ɔ bɔn fannin min Anannganman min bue nun .

Ezekiɛl 16:19

Kpaun nga n fa mannin wɔ nin o, ble sanmlɛn mlɛnnɛnnɛn nin o, ngo nin awɛma nzue nga n fa ta wɔ mun o, a fa yili sraka ng'ɔ bɔn fannin'n a mannin be. Sa nga a yoli'n yɛ ɔ o lɛ-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 20:41

Kɛ n ko fa amun nvle-nvle'm be nun nin mɛnmɛn nga amun bo sanndili nun be nun n ko ba'n, bɔ n ko yiayia amun'n, n ´sɔ amun nun klanman kɛ tɛ ng'ɔ bɔn fannin'n sa. N wa fa amun n klekle nvle-nvle'm be kɛ min liɛ'n min nzuɛn'n nin klɔ sran liɛ'n ti-man kun .

Ezekiɛl 45:17

Afin i yɛ ɔ wa yi tɛ nga be yrɛ i nnɛn'n kɔlikɔli nin-ɔn, i yɛ ɔ fa ble sanmlɛn'n ɔ ´fa man-an, i yɛ ɔ ´yi sraka nin nzan nga be guɛ i ase cɛn'm be dilɛ be nun nin anglo uflɛ'n nun, nin wunmiɛn-delɛ-cɛn'n nun, ɔ nin blɛ uflɛ nga bɔ Izraɛlfuɛ'm be yia'n be nun-ɔn. Ɔ ´yi min kpatalɛ tɛ'n nin tɛ nga be yrɛ i nnɛn'n kɔlikɔli'n, ɔ nin bo kun yolɛ i su tɛ'n kɛ ɔ ´yo nan m'an yaci Izraɛlfuɛ'm be tɛ m'an cɛ be'n ti.»

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 1:17

Ɔ `tu i ndɛwa mun sanngɛ nán man ɔ kpaci be nun. Yɛ man min nyrun jranfuɛ'n yra anunman'n min sɔwlɛ'n su yie'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.»

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 21:6

Ɔ fata-man kɛ min dunman b'ɔ o bé su'n, be yo i finfin. Ɔ man i ti nán be kan fiɛn, man be yo saun be man min, afin be yɛ be yi tɛ'n be man min-ɔn, yɛ be yɛ be fa min aliɛ'n be man min-ɔn. Ɔ man i ti ɔ fata-man kɛ fiɛn kan be.

Saun Yolɛ 21:8

Ɔ fata kɛ Izraɛlfuɛ kun nyin yi min nyrun jranfuɛ mun, afin aliɛ nga bɔ amun waan amun ´fa man min bɔ n ti amun Nyanmiɛn'n, be yɛ be fa man min-ɔn. Nán sran fi i nuan to be. M bɔbɔ min bɔ n ti Anannganman'n, n fali Izraɛl mɛn'n kɛ nán sa tɛ tran nun. M bɔbɔ min kusu fiɛn nun-man mín wun.

Saun Yolɛ 3:11

Man min nyrun jranfuɛ'n kun ɔ yrɛ i min sɔwlɛ'n su. I sɔ aliɛ liɛ'n ti min liɛ, be `yrɛ i be `fa man min.

Malasi 1:12

Sanngɛ amun liɛ'n, min dunman'n i wannzo yɛ amun yo-ɔ. Amun ko se kɛ: ‹Anannganman'n i like diwlɛ'n ti-man nanndoliɛ, sɛ be fa like ng'ɔ ti-man nanndoliɛ'n be sie su'n, ɔ yo-man sa fi.›

Malasi 1:7

Aliɛ ng'ɔ nin min fata-man'n yɛ amun fa ba min sɔwlɛ'n su-ɔ. Sanngɛ kpɛkuun amun usa kɛ: ‹?Fɔnlɛ sɛ yɛ e fɔnnin ɔ wun-ɔn?› I kusu wuun sa nga amun yo'n, ɔ kle kɛ amun bu-man min sɔwlɛ'n i like fi.»

Kalɛ 15:24

sɛ nán amun nyinfu yɛ amun yoli sa sɔ'n, amun kwlaa amún bo `yo kun, amun `man min nannin tola kun, amun `fa yi tɛ nga be yrɛ i nnɛn'n kɔlikɔli'n b'ɔ bɔn min bue nun fannin'n.

Kalɛ 15:3

amun `yi tɛ bɔ be yra be nnɛn'n kɔlikɔli'n, annzɛ bo kun yolɛ'n i su tɛ mun be man min. Man tɛ sɔ'm be yo kɛ sran wie tali min nda wie yɛ ɔ su yi i su tɛ-ɔ, annzɛ man be yo amun klun klo tɛ, annzɛ amun cɛn dilɛ wie su tɛ. Man i sɔ tɛ liɛ nga amun ´yi be man min'n be yo nannin, annzɛ bua, annzɛ boli, ɔ bɔn min bue nun fannin.

Kalɛ 15:7

Kpɛkuun be `sie su nzan litri nnyɔn. Ɔ bɔn min bue nun fannin.

Kalɛ 28:1

Anannganman seli Moiz kɛ

Kalɛ 29:39

Tɛ ng'ɔ fata kɛ amun yi be amún cɛn dilɛ blɛ'm be nun'n be yɛ be o lɛ-ɔ. Tɛ nga be yrɛ i nnɛn kɔlikɔli ɔ nin sraka nga be fa ble sanmlɛn mlɛnnɛnnɛn kpa be yi'n, ɔ nin nzan nga be guɛ i ase'n be uka bé su. Be uka bo kun yolɛ i su tɛ nga amun klun klo amun yi'n su. Yɛ be uka nda nga amun ta min'n i su tɛ'n i su wie.»

Kalɛ 9:13

Sɛ sran kun ti saun'n, sɛ kusu ɔ'a ɔ-man lika nan i waan ɔ di-man Delɛ-cɛn'n wie'n, man be tu i min nvlefuɛ'm be afiɛn, kɛ bɔ sran sɔ'n ɔ'a yi-mɛn i cɛlɛ ninnge nga be kleli i blɛ kɛ be `yi'n ti'n, ɔ wa sua i tɛ trɔ'n.

Kalɛ 9:7

yɛ be seli be kɛ: «E kannin fuɛn i ti y'a yo fiɛn. ?Nguɛ ti yɛ blɛ nga be kleli'n su'n, be kplin-man su kɛ e `ko yi e cɛlɛ ninnge mun kɛ Izraɛlfuɛ kun nga'm be sa-a?»

2 Korɛntfuɛ Mun 2:15

Afin e ti kɛ parfɛn bɔ Krist fa man Nyanmiɛn'n sa, e ti sɔ be nga be su fite nun'n nin be nga be su mlin'n be nyrun.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .