Kalɛ 28:1 - NYANMIƐN NDƐ'N 1998

¹ Anannganman seli Moiz kɛ

Kalɛ 28:1 ပူးပေါင်းရင်းမြစ်များ

1 Be Nyoliɛ 23:31

Be yɛ be yi tɛ nga be yra be nnɛn'n kɔlikɔli'n man Anannganman nin-ɔn. Tɛ sɔ'n i nuan ti klɛwa mmla'n nun, i su yɛ be nian be yi-ɔ. Be yi be wunmiɛn-delɛ-cɛn'n nun nin anglo le kun, ɔ nin cɛn dilɛ uflɛ'm be nun.

2 Be Nyoliɛ 2:4

Sua nga n ´kplan'n, ɔ ´yo sua dan, afin e Nyanmiɛn'n i dan tra like nga be su be'n be kwlaa.

2 Be Nyoliɛ 23:18

I sin Zɛozada fali Anannganman i sua'n i su nianlɛ'n wlɛli i Nyanmiɛn nyrun jranfuɛ mun nin Levifuɛ'm bé sa nun. David dun mmua siesieli be akpasua-akpasua laa. Be ´yi tɛ nga be yra be nnɛn'n kɔlikɔli'n be man Anannganman i bɔbɔ i sua'n nun kɛ ɔ ti klɛwa Moiz mmla nun'n sa. I waan kɛ be ´di junman sɔ'n, man be klun jɔ, yɛ be `to jue mun kɛ David fa kleli'n sa.

2 Be Nyoliɛ 31:3

Famiɛn'n fɛli i bo sika'n i bue toli nnɛn nga be fa yi tɛ bɔ be yra be nnɛn'n kɔlikɔli'n. Be yi tɛ sɔ mun nglɛmun nin nnɔsua. Ɔ fali wie ekun toli nnɛn nga be fa yi tɛ wunmiɛn-delɛ-cɛn'n nun'n nin anglo le kun'n, ɔ nin cɛn dilɛ kun nga'm be nun'n. Anannganman i mmla'n yɛ ɔ kan kɛ be `yi tɛ sɔ mun-ɔn.

2 Be Nyoliɛ 8:13

Tɛ ng'ɔ fata kɛ be nian be cɛn'm be su be yi'n, bɔ Moiz kannin be ndɛ'n, Salomɔn yi be. Ɔ yi wunmiɛn-delɛ-cɛn'n nun liɛ'n mun, nin anglo le kun liɛ'n mun, ɔ nin cɛn dandan nsan nga be di be afuɛ kwlakwla'n be liɛ'n mun. Cɛn dandan sɔ mun'n, kun yɛlɛ kpaun bɔ kpaun ayre nun-man nun'n i cɛn'n, kun yɛlɛ le mɔcuɛ'n i cɛn'n, yɛ kun ekun yɛlɛ kpata'm bé ti cɛn dilɛ'n.

Ɛsdras 6:9

Yɛ like ng'ɔ fata kɛ be fa yi tɛ man nglo lɔ Nyanmiɛn'n, man i nyrun jranfuɛ'm be klekle amun. Sɛ nannin nga ɔ'a kpɛ cro o, sɛ bua nene annzɛ bua nga ɔ'a kpɛ cro bɔ be fa yi tɛ nga be yrɛ i nnɛn'n kɔlikɔli'n nin o, sɛ ble o, sɛ njin o, sɛ nzan annzɛ ngo o, amun `fa man Nyanmiɛn nyrun jranfuɛ mun cɛn kwlakwla, nán cɛn kun sa tu nun.

Neemi 10:33

E siesieli kɛ afuɛ nuan'n kwlaa e ´man sika gram nnan, ɔ ti Nyanmiɛn i sua'n i nun junman'n liɛ.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezekiɛl 44:24

Be yɛ be wa di ndɛ nga be tɔ mun-ɔn, mmla nga n kpɛli be'n, be su yɛ be ´jran be di ndɛ mun-ɔn. Mín nuan su ndɛ nin min mmla nga m mannin be'n, be su yɛ be ´nian be di min cɛn mun-ɔn. Be `nian su kpa man wunmiɛn-delɛ-cɛn'n ɔ `yo min liɛ klonglo.

Ezekiɛl 45:17

Afin i yɛ ɔ wa yi tɛ nga be yrɛ i nnɛn'n kɔlikɔli nin-ɔn, i yɛ ɔ fa ble sanmlɛn'n ɔ ´fa man-an, i yɛ ɔ ´yi sraka nin nzan nga be guɛ i ase cɛn'm be dilɛ be nun nin anglo uflɛ'n nun, nin wunmiɛn-delɛ-cɛn'n nun, ɔ nin blɛ uflɛ nga bɔ Izraɛlfuɛ'm be yia'n be nun-ɔn. Ɔ ´yi min kpatalɛ tɛ'n nin tɛ nga be yrɛ i nnɛn'n kɔlikɔli'n, ɔ nin bo kun yolɛ i su tɛ'n kɛ ɔ ´yo nan m'an yaci Izraɛlfuɛ'm be tɛ m'an cɛ be'n ti.»

Ezekiɛl 46:11

Cɛn dilɛ mun nin anyia dandan'm be nun'n, man be fa nannin tola mun annzɛ bua nene mun be yi tɛ, be `sie bé su ble kilo ablasan ablasan. Bua nga b'a kpɛ cro'm be liɛ'n, like nga sran kun wun i kɛ ɔ ti kpa'n, ɔ `fa uka su. Be `uka su ble ekun, yɛ man ble kilo ablasan nga be fa'n i su ngo ɔ yo litri nsiɛn.

Saun Yolɛ 9:15

Kɛ ɔ yoli sɔ'n, Aarɔn fali mɛn mma'm bé tɛ ninnge liɛ mun kleli Anannganman. Boli kpakpuɛ nga mɛn mma'm be fa bali bé tɛ'n i yilɛ'n, Aarɔn kpɛli i kɔmin, ɔ fa yili tɛ'n kɛ ɔ fa nannin yoli'n sa.

Kalɛ 27:23

Ɔ fɛli i sa'n sieli i su, yɛ ɔ fɛli i kacili i wun kɛ Anannganman fa seli i kɛ ɔ `yo'n sa.

Kalɛ 28:2

ɔ `kan ndɛ yɛ mun kle Izraɛlfuɛ mun. I waan: «Amun `nian su kpa nan sɛ i blɛ'n ju'n, amun `fa tɛ ng'ɔ ti min liɛ'n i aliɛ nga be yrɛ i b'ɔ bɔn min bue nun fannin be man min.

Galasifuɛ Mun 4:10

An ci cɛn'n wie, nin anglo'n wie, nin le mɔcuɛ'n wie, ɔ nin afuɛ'n wie!

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.