Kalɛ 27:7 - NYANMIƐN NDƐ'N 1998

⁷ «Zɛlɔfsad i mma mmla'm be ndɛ yo fɛ. Man be asiɛ liɛ bé si niaan bian'm be afiɛn. Man bé si i asiɛ liɛ'n ɔ yo be liɛ.

Kalɛ 27:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 42:15

Mɛn wunmuan'n nun'n, bla kun nun-man lɛ bɔ i klanman nin Zɔb i mma bla mun sɛ-ɔ. Bé si mannin be aja ninnge'n wie kɛ be niaan yasua mun sa.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Zeremi 49:11

‹Nán amun koko, amun aika mma'm be ti. M bɔbɔ min n ´nian be lika. Man amun angboti bla'm be lafi min su.› »

Kalɛ 27:6

Yɛ Anannganman seli Moiz kɛ:

Kalɛ 27:8

I sin, kan ndɛ nga kle Izraɛlfuɛ mun: ‹Sɛ sran kun ´wu kɔ'n nan ɔ'a yaci-man ba yasua lɛ'n, amun `fɛ i aja'n be `mɛn i wa bla'n.

Kalɛ 36:5

Anannganman kannin i nuan su ndɛ kleli Moiz. I waan ɔ `se Izraɛlfuɛ'm be kɛ: «Zozɛf i osu nunfuɛ'm be ndɛ yo fɛ.

Kalɛ 36:6

Zɛlɔfsad i mma bla'm bé wun mmla nga m mannin'n yɛ. Yasua kwlaa nga be klo i'n yɛ be jɛ i-ɔ. Sanngɛ man yasua nga be ´jɛ i'n ɔ fin bé si i osu'n nun.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Zozie 17:4

Be wa toli Nyanmiɛn nyrun jranfuɛ Eleazar, nin Nɛn i wa Zozie, ɔ nin nvle'n su kpɛnngbɛn mun, nan b'a se be kɛ: «Anannganman seli Moiz kɛ ɔ `man e lika kɛ e akpasua'n su yasua mun sa .» Be niannin Anannganman i nuan su ndɛ'n su be mannin be lika kɛ yasua'm be sa.