Kalɛ 27:4 - NYANMIƐN NDƐ'N 1998

⁴ ?Ɔ yo sɛ ti yɛ é si liɛ'n i dunman'n wa nunnun i osu liɛ'n nun sa-a? ?Ba yasua b'ɔ lɛ-mɛn i'n ti-ɔ? Man e tranwlɛ liɛ é si i niaan'm be wun lɛ.»

Kalɛ 27:4 ပူးပေါင်းရင်းမြစ်များ

Jue Mun 109:13

Man i osu'n nunfuɛ'm be nunnun. Man i dunman liɛ'n ɔ mlin akpasua nga be wa jaso su klikli'n be afiɛn.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Nyanndra Mun 13:9

Sran kpa'm bé wun kpaja be. Be ti kɛ kannin'n b'ɔ kpaja weiin sa. Klunwifuɛ'm be liɛ'n be ti kɛ kannin b'ɔ su nuan'n sa.

Kalɛ 27:3

«E si wuli aawlɛ flɛnnɛn'n nun lɔ. Ɔ nun-man be nga be nin Kɔre i minniɛn'm be jasoli Anannganman i wun'n be nun wie. I bɔbɔ i sa tɛ b'ɔ yoli'n ti yɛ ɔ wuli-ɔ. Ɔ'a wu-man ba yasua yɛ ɔ fa wuli-ɔ.

Kalɛ 27:5

Moiz kannin ndɛ sɔ'n kleli Anannganman.

Zozie 17:4

Be wa toli Nyanmiɛn nyrun jranfuɛ Eleazar, nin Nɛn i wa Zozie, ɔ nin nvle'n su kpɛnngbɛn mun, nan b'a se be kɛ: «Anannganman seli Moiz kɛ ɔ `man e lika kɛ e akpasua'n su yasua mun sa .» Be niannin Anannganman i nuan su ndɛ'n su be mannin be lika kɛ yasua'm be sa.