Kalɛ 27:3 - NYANMIƐN NDƐ'N 1998

³ «E si wuli aawlɛ flɛnnɛn'n nun lɔ. Ɔ nun-man be nga be nin Kɔre i minniɛn'm be jasoli Anannganman i wun'n be nun wie. I bɔbɔ i sa tɛ b'ɔ yoli'n ti yɛ ɔ wuli-ɔ. Ɔ'a wu-man ba yasua yɛ ɔ fa wuli-ɔ.

Kalɛ 27:3 ပူးပေါင်းရင်းမြစ်များ

Ezekiɛl 18:4

Nian, sran'm be kwlaa, i ba o, i siɛ o, be nguan nyanman'n wo min sa nun. Be nnyɔn'n be nguan nyanman'n wo min sa nun, be ti min liɛ. Sran ng'ɔ yo sa tɛ'n yɛ ɔ ´wu-ɔ .

Kalɛ 14:35

M bɔbɔ min Anannganman, min ndɛ nga n ko kan'n yɛ m'an kɛn i lɛ-ɔ. Nga n wa fa yo sran klunwifuɛ bɔ be jasoli mín wun mun'n, yɛ m'an kɛn i lɛ-ɔ. Be kwlaa be fuɛn'm be wa ka aawlɛ flɛnnɛn nga nun, amun ´wu wa sekeseke kpan.› »

Kalɛ 16:19

Kɔre yiali Izraɛlfuɛ'm be kwlaa, be wa jranjrannin be nyrun ndɛnman su lɛ tannin sua'n i anuan'n wun lɛ. Kpɛkuun sran'm be kwlaa be nyrun lɛ'n, Anannganman yili i nyrun nyannyan'n i nglo.

Kalɛ 26:33

Efɛr i wa Zɛlɔfsad ɔ'a wu-man ba yasua, ba bla mun yɛ ɔ wuli be-ɔ. Be flɛ be Makla, Nɔa, Ɔgla, Milka, Tirza.

Kalɛ 27:2

Bla nnun sɔ'm be ko toli Moiz nin Nyanmiɛn nyrun jranfuɛ Eleazar, nin wlengbi mun ɔ nin sran'm be kwlaa tannin sua'n i nyrun lɛ. Be seli kɛ:

Kalɛ 27:4

?Ɔ yo sɛ ti yɛ é si liɛ'n i dunman'n wa nunnun i osu liɛ'n nun sa-a? ?Ba yasua b'ɔ lɛ-mɛn i'n ti-ɔ? Man e tranwlɛ liɛ é si i niaan'm be wun lɛ.»

Jean 8:21

Jésus seli be ekun kɛ: ɔ su kɔ, be wa kunndɛ i, sanngɛ bé sa tɛ'n ´ka bé wun be ´wu. I waan lika ng'ɔ kɔ lɔ'n, be su kwla kɔ-man lɔ wie.

Jean 8:24

I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.