Kɛ ɔ yoli sɔ'n nan m'an se Zozie kɛ: «Sa kwlaa nga Anannganman amun Nyanmiɛn'n fa yoli famiɛn nnyɔn nga be o lɛ mun'n, ɔ yoli ɔ nyrun. Sa kunngba sɔ'n yɛ ɔ ´fa yo mɛn nga a nin be nun famiɛn'm be ´kun mun be kwlaa-a.
Sa nga Zozie ko yo'n kan kle i. Wlɛ i fanngan man ɔ yo yakpa, afin i yɛ ɔ wa dun mmua Izraɛlfuɛ'm be nyrun yɛ ɔ ´fa mɛn nga a wa wun i lɛ'n ´man be-ɔ.»
Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»
Ngwlɛlɛ wawɛ'n ɔ trannin Nɛn i wa Zozie i nun afin Moiz fɛli i sa'n fuɛli i su. Ɔ man Izraɛlfuɛ'm bé nyin yili i. Be niannin ndɛ nga Anannganman kan kleli Moiz'n su be yoli.