Kalɛ 27:21 - NYANMIƐN NDƐ'N 1998

²¹ Sanngɛ man i bɔbɔ wɔ min nyrun jranfuɛ Eleazar sin. I yɛ ɔ wa fa like nga be fa si min klun sa'n ´fa usa min klun sa mun ´mɛn i-ɔ. Zozie nin Izraɛlfuɛ'm be kwlaa be `fɛ i nuan ndɛ'n su sa kwlaa nun.»

Kalɛ 27:21 ပူးပေါင်းရင်းမြစ်များ

2 Samiɛl 21:1

David i blɛ su'n, awe kun kpɛnnin. Ɔ dili afuɛ klonglo nsan, nan David ɔ'a srɛ Anannganman, yɛ Anannganman tɛli i su kɛ: «Sail nin i awlofuɛ'm be sran kunlɛ'n ti-ɔ. Gabaɔnfuɛ'm bɔ be kunnin be'n i ti-ɔ.»

Ɛsdras 2:63

Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

Neemi 7:65

Siefuɛ'n tannin be kɛ nán be di aliɛ ng'ɔ ti Nyanmiɛn liɛ klonglo'n wie. I waan be minndɛ man Nyanmiɛn nyrun jranfuɛ'n ɔ fa ninnge nga be fa si Nyanmiɛn i klun sa ɔ usa Nyanmiɛn nun ka.

Ezipt Lɔ Tulɛ'n 28:30

Wɔ Moiz, fa ninnge nga be fa si min klun sa'n sie be jɔlɛ dilɛ pata kaan'n nun, i liɛ'n, blɛ bɔ Aarɔn o min nyrun'n, be ´trɛn i anwlɛn ba'n su tititi. Afin ɔ fata kɛ Aarɔn sua Izraɛlfuɛ'm be jɔlɛ mun i anwlɛn ba'n su tititi blɛ b'ɔ o min nyrun'n kɛ ɔ ´yo nan ɔ'a si min klun sa nga n yi i nglo Izraɛlfuɛ'm be lika'n ti.»

Saun Yolɛ 8:8

Kɛ ɔ boli i kpɔlɛ'n, kpɛkuun ɔ fali Nyanmiɛn nyrun jranfuɛ'm be pata kaan'n cicili Aarɔn i wue nun, kpɛkuun ɔ fali ninnge nga be fa si Nyanmiɛn i klun sa'n wlali nun.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Kalɛ 27:17

Man ɔ yo sran'm bé su kpɛnngbɛn kun b'ɔ kwla ´sie bé sa kwlaa nun kɛ ɔ ´yo nan ɔ nvle'n ɔ'a yo-man kɛ nnɛn wie bɔ be lɛ-man sunianfuɛ sa'n ti.»

Kalɛ 27:2

Bla nnun sɔ'm be ko toli Moiz nin Nyanmiɛn nyrun jranfuɛ Eleazar, nin wlengbi mun ɔ nin sran'm be kwlaa tannin sua'n i nyrun lɛ. Be seli kɛ:

Kalɛ 27:20

Nyrun nga bɔ a lɛ i bɔ a fa sie Izraɛlfuɛ mun'n, man ɔ nyan wie nan bé nyin yi i.

Kalɛ 27:22

Moiz fali Anannganman i ndɛ'n su. Ɔ flɛli Zozie yɛ ɔ fɛli i jrannin Nyanmiɛn nyrun jranfuɛ Eleazar nin nzrafuɛ'm be kwlaa be nyrun.

Kalɛ 27:5

Moiz kannin ndɛ sɔ'n kleli Anannganman.

Mmla'n 31:3

Anannganman amun Nyanmiɛn'n ɔ ´dun mmua amun nyrun. Ɔ ´nunnun sran nga be o amun nyrun lɔ mun, ɔ ´fa be mɛn'n ´man amun. Sran ng'ɔ ´dun mmua amun nyrun ekun'n yɛlɛ Zozie kɛ Anannganman fa kannin'n sa.

Mmla'n 33:8

Ɔ kan mannin Levi akpasua liɛ'n kɛ: «Anannganman a fali ɔ ninnge nga be fa si ɔ klun sa'n a wlali Levi osu nunfuɛ'm bé sa nun. A dun mmua sali be Masa lɔ niannin. A dun mmua buli be fɔ Mɛriba nzue'n nuan lɔ .

Zozie 9:14

Izraɛlfuɛ'm be fali aliɛ sɔ'n wie be dili be niannin sanngɛ b'a usa-man Anannganman.

Jɔlɛ Difuɛ Mun 1:1

Kɛ Zozie wuli'n, Izraɛlfuɛ'm be usali Anannganman kɛ: «?E nun akpasua onin yɛ ɔ nin Kanaanfuɛ'm be ´dun mmua ko kun-ɔn?»

Jɔlɛ Difuɛ Mun 20:18

Be jasoli, be ɔli Betɛl yɛ be usali Nyanmiɛn sa, be waan: «?E nun onin yɛ ɔ ´dun mmua nin Bɛnzamɛnfuɛ'm be ´ko kun-ɔn?» Anannganman waan: «Man Zida akpasua'n yɛ ɔ dun mmua-a.»

Jɔlɛ Difuɛ Mun 20:23

Izraɛlfuɛ'm be dun mmua be ko sunnin Anannganman nyrun lele nnɔsua, be usali Anannganman sa. Be usɛli i kɛ: «?E nin e niaan Bɛnzamɛn i akpasua'n su sran mun e `kun ekun?» Anannganman tɛli be su kɛ: «Amun nin be `ko kun ekun.»

1 Samiɛl 14:19

Kɛ Sail ´kan ndɛ kle Nyanmiɛn nyrun jranfuɛ'n, wuun Filistifuɛ'm be nanmue nun lɔ nganniɛn'n ´yo dan kɔ, yɛ Sail seli i kɛ: «Nán bo wɛ usa Nyanmiɛn sa kun»

1 Samiɛl 23:9

David wunnin kɛ Sail kunndɛ kɛ ɔ ´kun i, i ti yɛ ɔ yo nin-ɔn, yɛ ɔ seli Abiatar b'ɔ ti Nyanmiɛn nyrun jranfuɛ kɛ ɔ fa like nga be fa si Nyanmiɛn klun sa'n ɔ bla.

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.

1 Samiɛl 30:7

David seli Asimelɛk b'ɔ ti Nyanmiɛn nyrun jranfuɛ'n i wa Abiatar'n kɛ: «Fa Anannganman i ninnge bɔ be fa si i klun'n sa'n bla.» Yɛ Abiatar fali be blɛli i-ɔ.