Zɛlɔfsad lɛ ba bla mun, be yɛlɛ: Makla, nin Nɔa, nin Ɔgla, nin Milka, ɔ nin Tirza, be fin Manase osu'n nun. Osu sɔ'n fin Zozɛf i osu'n nun. Zɛlɔfsad i si'n yɛlɛ Efɛr, Efɛr kusu si'n yɛlɛ Galaad, Galaad i si'n yɛlɛ Makir, Makir i si'n yɛlɛ Manase, Manase kusu i si'n yɛlɛ Zozɛf.
Sanngɛ man i bɔbɔ wɔ min nyrun jranfuɛ Eleazar sin. I yɛ ɔ wa fa like nga be fa si min klun sa'n ´fa usa min klun sa mun ´mɛn i-ɔ. Zozie nin Izraɛlfuɛ'm be kwlaa be `fɛ i nuan ndɛ'n su sa kwlaa nun.»
«E si wuli aawlɛ flɛnnɛn'n nun lɔ. Ɔ nun-man be nga be nin Kɔre i minniɛn'm be jasoli Anannganman i wun'n be nun wie. I bɔbɔ i sa tɛ b'ɔ yoli'n ti yɛ ɔ wuli-ɔ. Ɔ'a wu-man ba yasua yɛ ɔ fa wuli-ɔ.
Zozɛf i osu nun mma'm be nun'n, Galaad lɔ awlobo kpɛnngbɛn mun bɔ be ti Makir wa'n, be nin Manase i osu nunfuɛ mun be wa toli Moiz nin Izraɛl akpasua-akpasua'm bé su kpɛnngbɛn mun.