Kalɛ 27:17 - NYANMIƐN NDƐ'N 1998

¹⁷ Man ɔ yo sran'm bé su kpɛnngbɛn kun b'ɔ kwla ´sie bé sa kwlaa nun kɛ ɔ ´yo nan ɔ nvle'n ɔ'a yo-man kɛ nnɛn wie bɔ be lɛ-man sunianfuɛ sa'n ti.»

Kalɛ 27:17 ပူးပေါင်းရင်းမြစ်များ

2 Samiɛl 5:2

Laa bɔbɔ nga Sail ti famiɛn'n, wɔ yɛ a dun mmua Izraɛl sonja'm be nyrun-ɔn. Anannganman seli wɔ kɛ: ‹Wɔ yɛ a ´sie Izraɛlfuɛ'm bɔ be ti min nvlefuɛ mun nin-ɔn. Wɔ yɛ a ´yo be su kpɛn nin-ɔn.› »

1 Famiɛn Mun 22:17

Mise waan: «N wunnin Izraɛl nvle'n kwlaa, b'a bo b'a sanndi oka'm bé su kɛ bua bɔ be lɛ-man sunianfuɛ sa. Yɛ Anannganman waan: ‹Sran nga'm be lɛ-man min kun'n, man be sa bé sin be awlo'm be nun aunjuɛ nun.› »

1 Famiɛn Mun 3:7

Anannganman min Nyanmiɛn, ɔ bɔbɔ yɛ a fali min sieli famiɛn mín si David i osu-ɔ. N kusu n tɛ yo bakan, n si-man mɛn sie.

2 Famiɛn Mun 11:8

Man amun alɛ ninnge'm be tran amún sa nun sɛsɛsɛ. Amun `bo sin yia famiɛn'n. Kan kwlaa ng'ɔ ´kɔ'n, amun nin i wɔ. Sran kwlakwla bɔ i waan ɔ ´wlu amun nun'n, amun `kun i.»

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

2 Be Nyoliɛ 18:16

Mise waan: «N wunnin Izraɛl nvle'n kwlaa, b'a bo b'a sanndi oka'm bé su kɛ bua bɔ be lɛ-man su nianfuɛ sa. Yɛ Anannganman waan: ‹Sran nga'm be lɛ-man min kun, man be sa bé sin be awlo'm be nun aunjuɛ nun.› »

Ezekiɛl 34:5

Be bo sanndili gbee, yɛlɛ kɛ be nyan-man sunianfuɛ. Nnɛn tɛtɛ mun yɛ be di be blo lɔ-ɔ. Be bo sanndili gbee.

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Matthieu 10:6

sanngɛ an `wɔ Izraɛl osu'n nun bua'm bɔ b'a mlin'n bé sin.

Matthieu 15:24

Yɛ i waan: «Izraɛl osu'n nun bua'm bɔ b'a mlin'n bé sin yɛ be sunmannin min-ɔn.»

Matthieu 9:36

Kɛ Jésus wunnin sran mun'n, be yoli i annvɔ, afin be ti afɛfuɛ yɛlɛ kɛ b'a bo je kɛ bua bɔ be lɛ-man sunianfuɛ'n sa .

Marc 6:34

Kɛ Jésus fin alie'n nun jrali'n, ɔ wunnin sran sɔ mun b'a bo nzra dan kpa, nan b'a yo i annvɔ, afin be ti kɛ bua'm bɔ be lɛ-man tafuɛ'n sa, yɛ ɔ boli be like klelɛ'n bo-ɔ, ɔ kleli be like kpanngban.

Jean 10:9

N liɛ'n, n ti anuan, sran ng'ɔ sin min nun'n, ɔ ´fite nun, ɔ ´wlu, ɔ ´fite, yɛ ɔ ´nyan didiwlɛ.

Mmla'n 31:2

I waan: «Min afuɛ ya kun afuɛ ablaɔn yɛ m'an di i yɛ. N su kwla dun-man mmua amun nyrun kun. Anannganman kusu seli min kɛ n su kpɛ-man Zurdɛn'n.

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .

1 Samiɛl 18:13

Sail man David jasoli i wun lɛ. Ɔ sieli i sonja akpi bé su kpɛn. Siɛn, David nin sonja mun yɛ be kɔ alɛ kunlɛ nin-ɔn.

1 Samiɛl 8:20

kɛ nvle kun nga'm be liɛ'n sa. I liɛ'n, e famiɛn'n ɔ ´di e jɔlɛ mun man ye. Kɛ e ´kun alɛ'n, ɔ ´dun mmua e nyrun.»