Kalɛ 26:62 - NYANMIƐN NDƐ'N 1998

⁶² Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Kalɛ 26:62 ပူးပေါင်းရင်းမြစ်များ

Kalɛ 1:47

Kɛ be ´ka Izraɛlfuɛ kun nga mun'n, b'a ka-man Levifuɛ'm be wie.

Kalɛ 1:49

«Kɛ a ´ka Izraɛlfuɛ kun nga mun bɔ a ´klɛ be dunman'n, nán fa Levi osu'n nunfuɛ mun wla nun.

Kalɛ 26:63

Izraɛlfuɛ bɔ Moiz nin Nyanmiɛn nyrun jranfuɛ Eleazar be klɛli be dunman lika kpɛtɛkplɛɛ'n nun lɔ Zurdɛn nzue ba'n wun lɛ Zeriko klɔ'n i nyrun lɛ'n, be yɛlɛ nga be o lɛ'n.

Kalɛ 3:39

Levifuɛ nga Moiz nin Aarɔn be kali be'n, sran yasua mun ɔ nin ba yasua bɔ b'a di anglo kun nin anglo kun gua su'n, be ti sran akpi-akpi ablaɔn-nin-nnyɔn (22.000). Nyanmiɛn yɛ ɔ mannin mmla kɛ be ka be akpasua-akpasua sɔ mun-ɔn.

Kalɛ 4:27

Aarɔn nin i mma mun yɛ be ´man Gɛrsɔnfuɛ'm be junman ng'ɔ fata kɛ be di nin-ɔn, sɛ ɔ ti ninnge'm be sualɛ nun o annzɛ junman kwlaa ng'ɔ ti bɔ be di nin o.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

Zozie 13:33

Ɔ'a fa-man lika fi ɔ'a man-man Levi akpasua sufuɛ mun. Ɔ seli be kɛ be liɛ nga be ko nyɛn i'n yɛlɛ Anannganman b'ɔ ti Izraɛl Nyanmiɛn'n i sulɛ.

Zozie 14:3

Moiz dun mmua fali lika ng'ɔ o Zurdɛn i bue ng'ɔ kpɛ wia afiliɛ lɔ'n fa cɛcɛli akpasua nnyɔn nin bue'n bé ti nun ti nun, ɔ'a man-man Levi akpasua'n sufuɛ'm be wie,