Kalɛ 26:54 - NYANMIƐN NDƐ'N 1998

⁵⁴ Akpasua nga i nun sran'm be sɔnnin'n, man i lika liɛ'n yo dan, akpasua nga i nun sran'm b'a sɔn-man'n, man i lika liɛ'n yo kaan. Kɛ sran'm bé nuan fa ti'n yɛ be ´fa man be asiɛ nin-ɔn.

Kalɛ 26:54 ပူးပေါင်းရင်းမြစ်များ

Kalɛ 26:53

«Ɔ fata kɛ be cɛ mɛn'n nun nan be `fa man akpasua-akpasua mun. Kɛ akpasua kun i nun sran'm be nuan'n fa ti'n, i su yɛ be `nian yɛ be `mɛn i asiɛ liɛ nin-ɔn.

Kalɛ 32:3

«Klɔ nga mun: Atarɔt, Dibɔn, Zaɛzɛr, Nimra, Ɛsbɔn, Eleale, Sɛbam, Nɛbo yɛ Bɛɔn, be o

Kalɛ 32:5

Be seli Moiz kɛ: «Sɛ ɔ ti ɔ klun su'n, e ´srɛ wɔ kɛ a fɛ i sɔ asiɛ liɛ'n man ye. Nán fa e kɔ Zurdɛn nzue ba'n i bue kun'n su lɔ.»

Kalɛ 33:54

Kɛ amun ´cɛcɛ asiɛ'n nun'n, amun `tu fɔtɔ. Amun `nian kɛ amun akpasua nin amun osu-osu'm be dan'n ɔ fa ti'n su yɛ amun `yo-ɔ. Be nga be sɔnnin'n, man be lika liɛ nga amun ´man be'n ɔ cɛn, be nga b'a sɔn-man'n, man be lika liɛ nga amun ´man be'n `yo kaan. Nga fɔtɔ'n kle'n, i su yɛ amun `di-ɔ. Kɛ amún si'm be akpasua'm be fa ti'n, i su yɛ be ´nian yɛ be ´man amun asiɛ nin-ɔn.

Kalɛ 35:8

Kɛ akpasua kun i dan fa ti'n yɛ be ´nian su cɛ be klɔ mun-ɔn. Akpasua ng'ɔ cɛnnin'n, amun mɛn i klɔ kpanngban, akpasua nga ɔ'a cɛn-man'n i liɛ nga amun man'n, man ɔ yo kaan.»

Zozie 17:14

Zozɛf akpasua sufuɛ'm be wa toli Zozie be seli i kɛ: «?E bɔ Anannganman yoli e ye kɛ nga sa'n, bɔ y'a sɔn-man ngowa nin-ɔn , ɔ yo sɛ yɛ a mannin e lika kunngba-a?»

Zozie 19:9

Zidafuɛ'm be lika liɛ'n wie yɛ be fa mannin Simeɔn akpasua su sran mun-ɔn, afin Zidafuɛ'm be lika nga be nyɛnnin i'n ti dan ngboko. I ti yɛ Simeɔn lika'n wo Zida liɛ'n i klun nin-ɔn.