Kalɛ 26:3 - NYANMIƐN NDƐ'N 1998

³ Moiz nin Nyanmiɛn nyrun jranfuɛ Eleazar be kannin ndɛ kleli Izraɛlfuɛ mun Moab lika kpɛtɛkplɛɛ'n nun lɔ. Be kannin ndɛ kleli be Zurdɛn nzue ba'n wun kokolɛ Zeriko klɔ'n i nyrun lɛ.

Kalɛ 26:3 ပူးပေါင်းရင်းမြစ်များ

Kalɛ 22:1

Izraɛlfuɛ'm be ɔli be ko kpɛli be ngblaliɛ Moab i lika kpɛtɛkplɛɛ'n nun. Be kpɛli i Zurdɛn nzue ba'n i bue kun ng'ɔ o wia afiliɛ lɔ'n Zeriko klɔ'n i nyrun ndɛnman su lɛ.

Kalɛ 26:4

Be kan kleli be kɛ Anannganman seli Moiz kɛ ɔ `klɛ yasua nga be lɛ afuɛ ablaɔn nin afuɛ ablaɔn gua su'n be kwlaa be dunman. Izraɛl akpasua nga be fin Ezipt lɔ'n be yɛ:

Kalɛ 26:63

Izraɛlfuɛ bɔ Moiz nin Nyanmiɛn nyrun jranfuɛ Eleazar be klɛli be dunman lika kpɛtɛkplɛɛ'n nun lɔ Zurdɛn nzue ba'n wun lɛ Zeriko klɔ'n i nyrun lɛ'n, be yɛlɛ nga be o lɛ'n.

Kalɛ 31:12

Sran nga be trali be bɔ b'a kaci be kanga'n nin ninnge nga be nyannin be alɛ'n nun lɔ'n, be fali be blɛli Moiz nin Nyanmiɛn nyrun jranfuɛ Eleazar, ɔ nin Izraɛlfuɛ'm be kwlakwla. Kɛ ɔ ´yo sɔ'n, wuun Moiz'm be o Moab lika kpɛtɛkplɛɛ'n nun lɔ Zurdɛn'n wun lɛ Zeriko klɔ'n nyrun lɛ.

Kalɛ 33:48

Kɛ be fɛli i Abarim oka-oka'n nun lɛ'n, be ko kpɛli be ngblaliɛ'n Moab lika kpɛtɛkplɛɛ'n nun. Be kpɛli ngbaliɛ sɔ'n Zurdɛn nzue ba'n i wun lɛ Zeriko klɔ'n nyrun lɛ.

Kalɛ 35:1

Moab lika kpɛtɛkplɛɛ'n nun lɔ'n, Zeriko klɔ'n i nyrun lɛ'n, Anannganman kannin ndɛ kleli Moiz. Ɔ kannin ndɛ sɔ'n Zurdɛn'n i nuan lɛ. I waan:

Mmla'n 34:1

Moiz fɛli i Moab lika kpɛtɛkplɛɛ'n nun lɛ ɔ fuli Nɛbo oka'n su. Oka sɔ'n i kpɔlɛ bɔ be flɛ i Pisga b'ɔ o Zeriko i ndɛnman su'n i li su yɛ ɔ fuli-ɔ. Anannganman fali mɛn'n b'ɔ o lɛ'n i wunmuan kleli i. Lika ng'ɔ fa be kleli i mun be yɛ: lika ng'ɔ fɛ i Galaad b'ɔ fa kpɛn Dan'n,

Mmla'n 34:6

Nan Anannganman ɔ'a sie i Moab lɔ kongo'n kun nun Bɛt-Pɛɔr ndɛnman lɛ. Sran fi ɔ'a wun-mɛn i asieliɛ'n lele ndɛ.

Mmla'n 34:8

Izraɛlfuɛ'm be sunnin Moiz cɛn ba ablasan Moab lika kpɛtɛkplɛɛ'n nun lɔ, i sin yɛ i sɛ'n wieli-ɔ.