Kalɛ 26:19 - NYANMIƐN NDƐ'N 1998

^19-21 Zida akpasua'n su osu-osu mun yɛ: Selafuɛ mun bɔ be ti Sela i osu'n nun mma mun'n, Ferezfuɛ mun bɔ be ti Perɛs i osu'n nun mma mun'n, Zerakfuɛ mun bɔ be ti Zerak i osu'n nun mma mun'n. Osu-osu nga be o Ferezfuɛ'm be akpasua'n su'n mun yɛlɛ Ɛzrɔnfuɛ mun bɔ be ti Ɛzrɔn i osu'n nun mma mun'n, Amilfuɛ mun bɔ be ti Amil i osu'n nun mma mun'n. Zida i wa nnyɔn bɔ be flɛ be Ɛr nin Ɔnan'n be wuli Kanaan mɛn'n nun lɔ.

Kalɛ 26:19 ပူးပေါင်းရင်းမြစ်များ

Bo Bolɛ 46:12

Kun ekun yɛlɛ Zida. Zida wuli Ɛr, Ɔnan, Sela, Perɛs yɛ Zerak. Sanngɛ Ɛr nin Ɔnan be wuli Kanaan mɛn'n nun lɔ. Perɛs wuli Ɛzrɔn yɛ Amil.

1 Be Nyoliɛ 4:1

Zida i mma mun yɛlɛ Perɛs, nin Ɛzrɔn, nin Karmi, nin Ir, ɔ nin Sɔbal.