Kalɛ 26:10 - NYANMIƐN NDƐ'N 1998

¹⁰ Kpɛkuun asiɛ'n nun kpacili nan ɔ'a mɛn be nin Kɔre i minniɛn sɔ nga be jasoli Anannganman i wun'n yɛ Kɔre bɔbɔ, nan b'a wu. Cɛn kunngba sɔ'n nun yɛ Kɔre i minniɛn'm be wuli, bɔ sin yrali be sran ya nnyɔn sran ablenun nin-ɔn. I sɔ sa'n yoli nan be nga mun b'a fa tu bé wun fɔ nun.

Kalɛ 26:10 ပူးပေါင်းရင်းမြစ်များ

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Ezekiɛl 14:8

E nin i sɔfuɛ'n e ´yia nun. N ´yo man ɔ ´yo nzɔliɛ kun bɔ be ´fa bu nyanndra, n ´kplɛ i n ´yi, ɔ su tran-man min nvle'n nunfuɛ'm be afiɛn kun. Kpɛkuun amun wa si jrɛiin kɛ min yɛ n ti Anannganman'n nin-ɔn.

Kalɛ 16:2

Izraɛlfuɛ'm be nun sran ya nnyɔn sran ablenun bɔ be ti sran kaklaakla nin awlobo kpɛnngbɛn, bɔ be flɛ be be anyia'm bé bo'n, be jrannin bé sin.

Kalɛ 17:3

Yɛlɛ kɛ be fa be mannin min, kannzɛ bɔ be ti sran nga be yoli sa tɛ bɔ be wuli'n be liɛ'n, man be fa yo like paplaapla mun, bɔ be ´fa kata min sɔwlɛ'n i wun, kpɛkuun i sɔ'n ɔ ´yo Izraɛlfuɛ'm be wla kpɛnlɛ like.»

Kalɛ 27:3

«E si wuli aawlɛ flɛnnɛn'n nun lɔ. Ɔ nun-man be nga be nin Kɔre i minniɛn'm be jasoli Anannganman i wun'n be nun wie. I bɔbɔ i sa tɛ b'ɔ yoli'n ti yɛ ɔ wuli-ɔ. Ɔ'a wu-man ba yasua yɛ ɔ fa wuli-ɔ.

Mmla'n 11:6

Amun si sa ng'ɔ fa yoli Eliab i wa Datan nin Abiram'n. Be ti Ribɛn akpasua'n sufuɛ mun. Asiɛ'n nun kpacili, ɔ mɛnnin be nin be awlofuɛ mun, nin bé tannin sua mun, ɔ nin sran nga be jin be sin'n be kwlakwla kpan .

Mmla'n 28:46

Sa sɔ'm be ´yo amun nin amun osu nunfuɛ mun amun sa nun kɛ nzɔliɛ sa mlɔnmlɔnmlɔn.

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .

1 Samiɛl 2:34

Sa ng'ɔ wa ju Ɔfni nin Fine bɔ be ti ɔ mma nnyɔn'n bé su'n, ɔ ti min ndɛ nga n ´kɛn yɛ'n i nzɔliɛ. Ba nnyɔn sɔ'm be ´wu le kunngba .