Kalɛ 25:1 - NYANMIƐN NDƐ'N 1998

¹ Izraɛlfuɛ'm be trannin Sitim lɛ, be nin Moab bla'm be trannin tekle bolɛ'n nun.

Kalɛ 25:1 ပူးပေါင်းရင်းမြစ်များ

1 Korɛntfuɛ Mun 10:8

Nán man e kunndɛ bla kɛ be nun wie'm be yoli b'ɔ man be nun akpi-akpi ablaɔn-nin-nsan (23.000) be wuli le kunngba'n sa .

Zozie 2:1

I sin, Nɛn i wa Zozie sunmannin sran nnyɔn nvialiɛ nun kɛ be `fɛ i Sitim lɛ be ko kpla Kanaan mɛn'n ɔ nin Zeriko klɔ'n be nian . Nan b'a wɔ. Kɛ be juli Zeriko lɔ'n, tekle bla wie be flɛ i Raab, i awlo yɛ be ko wlu lali-ɔ.

Kalɛ 33:49

Be kpɛli be ngblaliɛ'n Zurdɛn'n i nuan lɛ. Be ngblaliɛ'n fɛ i Bɛt-Zɛsimɔt lɛ lele ju Abɛl-Sitim Moab lika kpɛtɛpklɛɛ'n nun lɔ.

Sa nglô yile 2:14

Sanngɛ amún wun sa wie o n klun, yɛlɛ kɛ sran wie'm be o amun nun lɔ bɔ be fa like nga Balaam kleli'n su. I yɛ ɔ kleli Balak yɛ man ɔ lakali Izraɛlfuɛ mun yɛ be yoli sa tɛ yɛ be dili amuɛn su nin-ɔn. Balak kunngba sɔ'n yɛ ɔ lakali be yɛ man be fa bé wun wlali tekle bolɛ'n nun nin-ɔn .

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Zozie 3:1

Nglɛmun ndɛ kpa'n, Zozie nin Izraɛlfuɛ'm be fɛli i Sitim lɛ be ɔli Zurdɛn nuan lɔ. Be lali lɛ ka nan b'a kpɛ.

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Kalɛ 25:17

«Amun `utu Madianfuɛ mun, amun `nunnun be.

Kalɛ 31:2

«Tu Izraɛlfuɛ'm be klunngbɔ guɛ i Madianfuɛ'm bé su. I sin, a wa wu, a ´to ɔ́ si'm be lɔ.»

Mmla'n 3:29

Kɛ ɔ yoli sɔ'n, e kali kongo nun lɛ Bɛt-Pɛɔr klɔ'n i nyrun lɛ.

Mmla'n 4:3

Like nga Anannganman yoli i Baal-Pɛɔr i ndɛ'n nun'n, amun bɔbɔ amun wunnin i. Ɔ kunnin sran nga be sɔli Baal-Pɛɔr'n mun .

Mmla'n 32:38

Amuɛn sɔ mun'n, be yɛ amun yi tɛ man be nin-ɔn, be yɛ amun gua nzan man be nin-ɔn. ?Be o nin? Be `jaso nan be `de amun e! Be `jaso nan be `sasa amun e!

Zozie 22:17

?Sa tɛ nga e yoli i Pɛɔr lɔ bɔ man e nun sunman ko wu'n, bɔ kɛ e ´se yɛ'n i su sa'n tɛ o e su'n, ɔ'a ti-man amun ?

Zeremi 40:11

Zidafuɛ nga be tran Moab, nin Amɔnfuɛ mun, nin Edɔmfuɛ'm be mɛn'n nun'n, be kusu be tili i kɛ Babilɔni famiɛn'n yacili sran'm be wie Zida mɛn'n nun nan ɔ fali Safan i wa Asikam i wa liɛ Gɛdalia fa sieli be su.

Ezekiɛl 20:21

Sanngɛ be jasoli mín wun wie. B'a fa-man mín nuan su ndɛ'm be su, b'a fa-man min mmla bɔ sran fa su-ɔ ɔ nyɛn i ti'n be su. B'a nian-man min wunmiɛn-delɛ-cɛn'n su. M buli akunndan kɛ n ´fa bé wun ya, min waan n ´fɛ i lele n ´nguɛ i ti nin i bo aawlɛ flɛnnɛn'n nun lɔ.

Ndɛ Nga Nyanmiɛn I Nuan Ijɔfuɛ Oze Kannin'n 9:10

Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Ezipt Lɔ Tulɛ'n 22:19

Sran ng'ɔ yi tɛ man amuɛn mun'n, b'ɔ yi-man tɛ man-man Nyanmiɛn i ngunmin'n, man be kun i.

2 Famiɛn Mun 23:7

Ɔ bubuli yasua bɔ be si tekle ɔ nin bla bɔ be wu tralɛ be man waka nga be sɔ i'n bé sua bɔ be mantan Anannganman i sua'n mun.

Jue Mun 106:28

Be fali bé wun mantannin Baal-Pɛɔr, be dili nnɛn nga be fa sɔ wunmiɛn mun'n.