Kalɛ 24:5 - NYANMIƐN NDƐ'N 1998

⁵ Izraɛl nvlefuɛ mun, amun bɔ Zakɔb i osu'n nunfuɛ yɛlɛ amun'n, amún tannin sua nga amun tran nun'n be ti nglanman o!

Kalɛ 24:5 ပူးပေါင်းရင်းမြစ်များ

Neemi 13:2

yɛlɛ kɛ laa kɛ Izraɛlfuɛ'm be ´ba'n, b'a kpa-man be atin, b'a man-man be aliɛ nin nzue. I kpa'n bɔ Moabfuɛ'm be mannin Balaam sika kɛ ɔ bo be sannzan, sanngɛ sannzan sɔ'n Nyanmiɛn man ɔ kacili muae .

Jue Mun 84:2

Anannganman, wɔ bɔ a sie mɛn wunmuan'n, n klo ɔ sua nin o!

Ezipt Lɔ Tulɛ'n 38:21

Nyanmiɛn i tannin sua b'ɔ ti i bɔbɔ i alaka'n i siewlɛ'n i kplanlɛ'n wun ninnge'n kwlaa bé nuan'n yɛ: Moiz yɛ ɔ seli Levifuɛ'm be kɛ be `ka ninnge sɔ mun nan be `si bé nuan-an. Aarɔn i wa yasua Itamar b'ɔ ti Nyanmiɛn nyrun jranfuɛ'n yɛ ɔ ti ninnge'm be kalɛ sɔ'n i su kpɛnngbɛn nin-ɔn.

Ngɔjue Fɛfɛ Kpa'n 4:7

N janvuɛ kpa, a ti klanman dan. Fɔ fi nun-man ɔ́ wun.

Ngɔjue Fɛfɛ Kpa'n 6:4

A ti klanman o! Min adeba, a ti klanman kɛ Tirza klɔ'n sa. A ti klanman kɛ Zerizalɛm klɔ'n sa. Sanngɛ a yo sro kɛ sonja akpasua wie bɔ be titi be flanga'n i bo lɛ'n sa.

Saun Yolɛ 23:42

I sɔ le mɔcuɛ kun sɔ nun'n, ɔ fata kɛ Izraɛlfuɛ'm be kwlaa'n be gua kpata'm bé bo.

Malasi 2:12

Sran ng'ɔ yo i sɔ sa'n, nán Anannganman mɛn i atin man ɔ nyan Zakɔb i osu'n nun sran nan ɔ jrɛn i sin, wie kusu-ɔ, nán ɔ ko jrɛn i nuan yi tɛ man Anannganman b'ɔ sie mɛn wunmuan'n.

Kalɛ 2:34

Anannganman i nuan su ndɛ ng'ɔ kan kleli Moiz'n i su yɛ Izraɛlfuɛ'm be niannin be yoli i sɛsɛsɛ-ɔ. Ɔ man be yoli be ngblaliɛ'm be flanga'm bé wun lɛ, yɛ kɛ be ´kɔ'n, be kɔ nyanman su kɛ be seli be kɛ be yo'n sa, kpɛkuun kɛ be awlobo nin be afiliɛ be fa ti'n yɛ be fa kɔ-ɔ.

Kalɛ 24:2

Kɛ ɔ niannin lɔ sɔ'n, ɔ wunnin Izraɛlfuɛ'm bɔ be o be ngblaliɛ'n nun lɔ'n, nan Nyanmiɛn Wawɛ'n ɔ'a jrɛ i su,

Kalɛ 24:4

Min bɔ Nyanmiɛn kɛn i nuan su ndɛ mun kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Kalɛ 24:6

Ɔ waan nzue wie yɛ ɔ su sonji kɔ-ɔ. Be ti kɛ fie b'ɔ o nzue ba nuan'n sa. Be ti kɛ waka bɔ be flɛ i aloɛs bɔ ɔ waan Anannganman yɛ ɔ tali'n sa. Be ti kɛ sɛdri waka bɔ ɔ waan Anannganman tali'n be nzue nuan'n sa.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

Zozie 24:10

M'an kplin-man Balaam su ɔ man ɔ yaci ko yrali amun nguan nan m'an de amun Balak sa nun .