Kalɛ 24:13 - NYANMIƐN NDƐ'N 1998

¹³ ?M'an se-man be kɛ sɛ bɔ Balak fa jɛtɛ ufue nin sika ɔkwlɛ bɔ ɔ'a yi i sua'n piɛ'n fa man min'n, m bɔbɔ n su kwla kpɛ-man mín ti nun n yo-man sa kun sa, sɛ ɔ ti tɛ o, sɛ ɔ ti kpa o, nan san ndɛ nga Anannganman kan kle min'n yɛ n ´kan-an?

Kalɛ 24:13 ပူးပေါင်းရင်းမြစ်များ

1 Famiɛn Mun 13:8

Nyanmiɛn i nuan ijɔfuɛ'n tɛli famiɛn'n su kɛ: «Kannzɛ ɔ wie ɔ́ bo ninnge'n i bue yɛ a fa man min'n, n su wlu-man ɔ lika lɔ, n su di-man like, yɛ n su nɔn-man nzue lika nga nun wa,

1 Famiɛn Mun 22:14

Mise tɛli i su kɛ: «N kan Anannganman! Ndɛ ng'ɔ fa wla mín nuan'n yɛ n ´kan-an.»

Kalɛ 16:28

Moiz seli kɛ: «Amun wa wun kɛ Anannganman yɛ ɔ sunmannin min sakpa kɛ n wa yo sa'n kwlaa nga n yo be lɛ mun-ɔn, nan nán m bɔbɔ min fanngan nun yɛ n yo be-ɔ.

Kalɛ 22:18

Balaam tɛli Balak i sran'm be su kɛ: «Kannzɛ bɔ Balak fɛ i sua bɔ jɛtɛ ufue nin sika ɔkwlɛ yi i piɛ'n man min'n, n kwla yi-man Anannganman i ndɛ ng'ɔ kannin'n i wie fi ase.

Kalɛ 22:20

Kɔnguɛ Nyanmiɛn wa seli Balaam kɛ: «Kɛ bɔ sran nga'm be bali wɔ flɛlɛ'n ti, jaso nan a nin be wɔ. Sanngɛ like nga n se wɔ kɛ a yo'n yɛ yo-ɔ.»

Kalɛ 22:8

Balaam seli be kɛ: «Amun `la, ainman'n, nga Anannganman bua min'n, n ´kan kle amun.» Moab famiɛn i awlo lɔ sran dandan'm be kali Balaam wun lɛ.