Kalɛ 23:8 - NYANMIƐN NDƐ'N 1998

⁸ ?N ´sin nin yɛ n ´kwla bo nvle kun i sannzan b'ɔ ´yo ye-ɔ, sɛ Nyanmiɛn bɔbɔ ɔ'a bo-mɛn i'n? ?N ´sin nin yɛ n ´kwla se kɛ man nyrɛnnɛn tɔ nvle kun bɔ Anannganman bɔbɔ kle-mɛn i nyrɛnnɛn'n i su-ɔ?

Kalɛ 23:8 ပူးပေါင်းရင်းမြစ်များ

Nyanndra Mun 26:2

Sannzan nga sran ɔ'a yo-man like fi bɔ be bo i'n, ɔ ti ngbɛn. I wafa'n ti kɛ anunman b'ɔ tu kɔ lelele ɔ tran-man like su'n sa .

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Kalɛ 22:12

Nyanmiɛn seli Balaam kɛ: «Nán a nin be wɔ. Nán bo nvle sɔ'n i sannzan afin m'an dun mmua m'an yo i nunfuɛ'm be ye.»

Kalɛ 22:6

I sɔ'n ti, n ´srɛ wɔ kɛ a bla nan a wa bo nvle sɔ'n i sannzan man min. Yɛlɛ kɛ be wunmiɛn liɛ'n tra min nvle'n i liɛ'n. Sɛ a kplin su'n, wie nun-ɔn n ´kwla be yɛ n ´fuan be min mɛn'n nun. Afin n si kɛ sran nga a yra ɔ́ nuan a mɛn i'n, ɔ nyan muae klanman, yɛ sran nga kusu bɔ a bo i sannzan'n, nyrɛnnɛn tɔ i su.»

Kalɛ 23:20

Nian, Nyanmiɛn waan n `yra Izraɛlfuɛ'm be nguan. Kɛ bɔ Nyanmiɛn mannin be muae klanman'n ti, n kusu n kan-man ndɛ uflɛ.

Kalɛ 23:23

Wunnzue nin bae ninnge'm be ti-man Izraɛlfuɛ'm be nyrun like fi. Kɛ i blɛ ko ju'n, be ´fa ninnge nga Nyanmiɛn yo'n mun `kle be.

Kalɛ 23:7

Balaam seli kɛ: «Moab famiɛn Balak ko flɛli min Siri mɛn'n nun lɔ oka-oka lika'n nun lɔ kɛ m bla wa. Ɔ seli min kɛ: Bla nan w'a bo Izraɛlfuɛ'm bɔ be ti Zakɔb i osu'n nunfuɛ'm be sannzan. Yo nan nyrɛnnɛn `tɔ bé su.