Kalɛ 23:16 - NYANMIƐN NDƐ'N 1998

¹⁶ Anannganman yili i wun nglo kleli Balaam, ɔ fɛli i ndɛ'n wlɛli i nuan, nan ɔ'a se i kɛ ɔ `sɛ i sin Balak wun lɔ.

Kalɛ 23:16 ပူးပေါင်းရင်းမြစ်များ

Kalɛ 22:20

Kɔnguɛ Nyanmiɛn wa seli Balaam kɛ: «Kɛ bɔ sran nga'm be bali wɔ flɛlɛ'n ti, jaso nan a nin be wɔ. Sanngɛ like nga n se wɔ kɛ a yo'n yɛ yo-ɔ.»

Kalɛ 22:35

Anannganman i anz'n seli Balaam kɛ: «Ɔ li a nin sran sɔ mun amun `wɔ. Sanngɛ ndɛ nga n se wɔ kɛ a kan'n yɛ kan-an.» Yɛ Balaam nin Balak i awlo lɔ sran dan'm be ɔli-ɔ.

Kalɛ 23:15

Balaam seli Balak kɛ: «Jran ɔ tɛ nga a yili be'n bé wun wa, n ´ko ti Nyanmiɛn i nuan su ndɛ'n.»

Kalɛ 23:17

Kɛ Balaam ´to Balak lɔ'n, wuun ɔ tɛ jin nglo nnɛn ng'ɔ fa yili tɛ'n bé wun lɛ. Ɔ nin Moab famiɛn i awlo lɔ sran dan mun yɛ be o lɛ-ɔ. Balak usɛli i kɛ: «?Nguɛ ndɛ yɛ Anannganman kan kleli wɔ-ɔ?»

Kalɛ 23:5

Ndɛ ng'ɔ fata kɛ Balaam kan'n, Nyanmiɛn fa wlɛli i nuan, nan ɔ'a se i kɛ ɔ `sɛ i sin Balak wun lɔ.

Kalɛ 24:1

Kɛ bɔ Balaam wunnin kɛ Anannganman klo kɛ ɔ ´yra Izraɛlfuɛ'm be nguan'n ti'n, ɔ'a ɔ-mɛn i sa usalɛ kɛ ɔ fa yo i titi'n sa. Ɔ kali lɛ kpɛli i nyin aawlɛ flɛnnɛn'n su lɔ.

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.