Kalɛ 23:10 - NYANMIƐN NDƐ'N 1998

¹⁰ ?Wan yɛ ɔ kwla ka Izraɛlfuɛ kpanngban nga mun-ɔn? ?Wan yɛ ɔ kwla si Zakɔb i osu'n nunfuɛ'm bé nuan-an? Sɛ Nyanmiɛn di su nan n wu kɛ sran kpa sɔ'm be wie wulɛ liɛ'n sa'n, sɛ min awieliɛ'n gua min kɛ be liɛ'n sa'n, ɔ ´yo min fɛ o!»

Kalɛ 23:10 ပူးပေါင်းရင်းမြစ်များ

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Bo Bolɛ 13:16

N ´yo man wɔ anunman'm be ´sɔn kaka kpa kɛ asiɛ wun ndutre sa. Be ka be-ɔ ɔ su yo-man ye.

Jue Mun 116:15

Anannganman i sufuɛ nanwlɛfuɛ'm be wie'n ɔ wlu i wun lele kpe nun.

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Kalɛ 2:31

Kɛ be kan sonja nga be o Dan i akpasua'n su'm be bo nun'n, be ti sonja akpi-akpi ya sonja akpi ablenun-nin-nso sonja ya nsiɛn. (157.600) Be yɛ be cuɛn be kwlaa bé bo-ɔ. Be kwlaa be fali atin'n, kɛ be ´kɔ'n, be flanga'n wo be afiɛn.»

Kalɛ 2:24

Kɛ be kan be kwlaa be bo nun'n, be ti sran akpi-akpi ya sran akpi mɔcuɛ sran ya. (108.100) Kɛ be ´nanti'n, be yɛ be tran sonja akpasua'm be nsan su-ɔ, be su Levifuɛ'm bé su.

Kalɛ 2:9

Zida sonja akpasua akpasua'm be kwlaa bé sonja'm be ti akpi-akpi ya sonja akpi-akpi ablaɔcuɛ-nin-nsiɛn sonja ya nnan (186.400). Be yɛ be dun Izraɛl nvle'n i nyrun mmua-a.

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Kalɛ 31:8

Be kunnin Madian lɔ famiɛn nnun'n mun. Be dunman mun yɛ: Evi, Rekɛm, Zir, Ir, yɛ Reba. Be kunnin Bɛɔr i wa Balaam wie .