Kalɛ 23:1 - NYANMIƐN NDƐ'N 1998

¹ Balaam seli Balak kɛ ɔ `kplan tɛ yiwlɛ nso mɛn i, nan ɔ kunndɛ i su nannin tola nso nin bua nene nso.

Kalɛ 23:1 ပူးပေါင်းရင်းမြစ်များ

2 Famiɛn Mun 18:22

Wienun-ɔn, amun wa tɛ min su kɛ: Anannganman e Nyanmiɛn'n i su yɛ e fa é wla'n gua-a. ?Nán i yɛ Ezekias bubuli i sraka yiwlɛ lika bɔ be o kpɔlɛ'm be su'n nin i sɔwlɛ mun nin-ɔn? ?Ezekias ɔ'a se-man Zidafuɛ mun, nin Zerizalɛmfuɛ'm be kɛ san Nyanmiɛn sɔwlɛ ng'ɔ o Zerizalɛm lɔ'n i kunngba i wun lɔ yɛ be `su Anannganman-an?

1 Be Nyoliɛ 15:26

Nyanmiɛn jrannin Levifuɛ'm bé sin man be kwla suali i alaka'n, i ti be fali nannin tola nso, nin bua nene nso yili tɛ.

2 Be Nyoliɛ 29:21

Be fali nannin tola nso nin bua nene nso, nin bua nga b'a kpɛ cro'n sɔ nso, ɔ nin boli kpakpuɛ nso be bali kɛ be ´fa yi Nyanmiɛn i kpatalɛ tɛ. Famiɛn'n i awlo'n, nin Nyanmiɛn i sua'n, ɔ nin Zida nvle'n bé wun tɛ yɛ be yili-ɔ. Famiɛn'n waan Nyanmiɛn nyrun jranfuɛ'm bɔ be fin Aarɔn osu nun'n be `yi tɛ sɔ'n Anannganman i sɔwlɛ'n su.

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Ezekiɛl 45:23

Cɛn dilɛ'n i cɛn ba nso'm be nun'n, cɛn kwlaa ɔ `man nannin tola nso nin bua nene nso bɔ lɛ nun-man be wun. Be fa yi tɛ bɔ be yrɛ i nnɛn'n kɔlikɔli'n lele cɛn ba nso. Yɛ cɛn kun nun'n, ɔ `man boli kpakpuɛ kun nan be `fa yi ngbata tɛ.

Kalɛ 22:41

Kɛ aliɛ cɛnnin nglɛmun'n, Balak nin Balaam be fu ɔli Bamɔt Baal lɔ. Kan be o lɔ'n, bé nyin ta Izraɛlfuɛ'm be bue.

Kalɛ 23:2

Balak niannin Balaam i nuan ndɛ'n su yoli. Be fali nannin tola kun nin bua nene kun be fa yili tɛ tɛ yiwlɛ'm be su sɔ kunngun lele kpɛnnin lɔ.

Kalɛ 23:29

Balaam seli Balak kɛ: «Kplan tɛ yiwlɛ nso wa man min, nan kunndɛ bé su nannin tola nso nin bua nene nso bla.»

Kalɛ 23:30

Balak niannin nga Balaam kannin'n su yoli, i sin ɔ fali nannin tola nin bua nene mun yili tɛ. Ɔ yoli i sɔ tɛ yiwlɛ'm be kwlaa bé su kunngun sin yiali nun.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.