Kalɛ 22:8 - NYANMIƐN NDƐ'N 1998

⁸ Balaam seli be kɛ: «Amun `la, ainman'n, nga Anannganman bua min'n, n ´kan kle amun.» Moab famiɛn i awlo lɔ sran dandan'm be kali Balaam wun lɛ.

Kalɛ 22:8 ပူးပေါင်းရင်းမြစ်များ

1 Famiɛn Mun 13:8

Nyanmiɛn i nuan ijɔfuɛ'n tɛli famiɛn'n su kɛ: «Kannzɛ ɔ wie ɔ́ bo ninnge'n i bue yɛ a fa man min'n, n su wlu-man ɔ lika lɔ, n su di-man like, yɛ n su nɔn-man nzue lika nga nun wa,

1 Famiɛn Mun 22:14

Mise tɛli i su kɛ: «N kan Anannganman! Ndɛ ng'ɔ fa wla mín nuan'n yɛ n ´kan-an.»

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Kalɛ 22:18

Balaam tɛli Balak i sran'm be su kɛ: «Kannzɛ bɔ Balak fɛ i sua bɔ jɛtɛ ufue nin sika ɔkwlɛ yi i piɛ'n man min'n, n kwla yi-man Anannganman i ndɛ ng'ɔ kannin'n i wie fi ase.

Kalɛ 22:38

Yɛ ɔ tɛli i su kɛ: «?Siɛn'n bɔ m'an ba'n, nguɛ ndɛ yɛ n ´kan kle wɔ-ɔ? Ndɛ nga Nyanmiɛn fa wla mín nuan'n, yɛ n ´kan kle wɔ-ɔ.»

Kalɛ 22:7

Kɛ Moab kpɛnngbɛn nin Madian kpɛnngbɛn'm be ´kɔ'n, be fali like kɛ be ´ko di Balaam b'ɔ ti wunnzue yifuɛ'n i nɛnnɛn. Kɛ be toli Balaam lɔ'n, be kannin Balak i nuan su ndɛ'n kleli i.

Kalɛ 22:9

Nyanmiɛn wa usali Balaam kɛ: «?Sran onin mun yɛ a sikeli be ɔ lika lɔ nin-ɔn?»

Kalɛ 23:12

Balaam tɛli i su kɛ: «?Min liɛ nga n yo'n, nán i yɛlɛ ndɛ nga Anannganman fa wla mín nuan'n i kanlɛ?»

Kalɛ 23:3

Balaam seli Balak kɛ: «Jran ɔ tɛ'm bé wun wa, n cia mín wun kan. Wienun-ɔn, sɛ Anannganman wa yi i wun nglo kle min o. I nuan su ndɛ kwlaa ng'ɔ kan kle min'n, n ´kan kle wɔ.» Yɛ Balaam ko fuli kpɔlɛ kun ti su-ɔ.

Kalɛ 24:13

?M'an se-man be kɛ sɛ bɔ Balak fa jɛtɛ ufue nin sika ɔkwlɛ bɔ ɔ'a yi i sua'n piɛ'n fa man min'n, m bɔbɔ n su kwla kpɛ-man mín ti nun n yo-man sa kun sa, sɛ ɔ ti tɛ o, sɛ ɔ ti kpa o, nan san ndɛ nga Anannganman kan kle min'n yɛ n ´kan-an?