Kalɛ 22:6 - NYANMIƐN NDƐ'N 1998

⁶ I sɔ'n ti, n ´srɛ wɔ kɛ a bla nan a wa bo nvle sɔ'n i sannzan man min. Yɛlɛ kɛ be wunmiɛn liɛ'n tra min nvle'n i liɛ'n. Sɛ a kplin su'n, wie nun-ɔn n ´kwla be yɛ n ´fuan be min mɛn'n nun. Afin n si kɛ sran nga a yra ɔ́ nuan a mɛn i'n, ɔ nyan muae klanman, yɛ sran nga kusu bɔ a bo i sannzan'n, nyrɛnnɛn tɔ i su.»

Kalɛ 22:6 ပူးပေါင်းရင်းမြစ်များ

Bo Bolɛ 12:3

Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Bo Bolɛ 27:29

Man nvle wie'm be nunfuɛ'm be su wɔ, man mɛn wie'm be nunfuɛ'm be koto ɔ bo. Sie ɔ niaan mun. Man ɔ́ nin i mma'm be koto ɔ bo. Sran ng'ɔ bo wɔ sannzan'n, man nyrɛnnɛn tɔ i su. Sran ng'ɔ yra wɔ nguan'n, Nyanmiɛn man i wun sa `yo ye.

1 Famiɛn Mun 22:13

Sran nga be sunmɛnnin i kɛ ɔ ko flɛ Mise'n seli Mise kɛ: «Wunnzue yifuɛ'm be kan ndɛ fɛ yɛ be kle famiɛn nin-ɔn. Be kwlaa be ndɛ'n ti kunngba. I sɔ'n ti, ɔ kusu, kan nga be kan'n wie, kan ndɛ fɛ kle famiɛn'n.»

1 Famiɛn Mun 22:6

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

Neemi 13:2

yɛlɛ kɛ laa kɛ Izraɛlfuɛ'm be ´ba'n, b'a kpa-man be atin, b'a man-man be aliɛ nin nzue. I kpa'n bɔ Moabfuɛ'm be mannin Balaam sika kɛ ɔ bo be sannzan, sanngɛ sannzan sɔ'n Nyanmiɛn man ɔ kacili muae .

Jue Mun 109:28

Be liɛ'n, be bo sran'm be sannzan, sanngɛ ɔ liɛ'n, a yra ɔ nuan klanman man sran. Sɛ be waan be ´yo min like'n, man nyannzuɛn'n yɛ ɔ kun be-ɔ. Sanngɛ min bɔ n ti ɔ sufuɛ'n, n liɛ'n n klun ɔ ´jɔ.

Nyanndra Mun 26:2

Sannzan nga sran ɔ'a yo-man like fi bɔ be bo i'n, ɔ ti ngbɛn. I wafa'n ti kɛ anunman b'ɔ tu kɔ lelele ɔ tran-man like su'n sa .

Ezekiɛl 13:6

Be aolia nun sa nga be wun be'n be ti ngbɛn-ngbɛn, wunnzue nga be yi'n ɔ ti ato. Be se kɛ: Ndɛ nga Anannganman kan'n yɛ, kusu wuun nán Anannganman'n yɛ ɔ sunmannin be-ɔ. Be yo man sran'm be fa bé wla gua su kɛ be ndɛ'n i nuan wa yia.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Kalɛ 22:12

Nyanmiɛn seli Balaam kɛ: «Nán a nin be wɔ. Nán bo nvle sɔ'n i sannzan afin m'an dun mmua m'an yo i nunfuɛ'm be ye.»

Kalɛ 22:17

Afin n wa yo man a nyan nyrun dan kpa. Like kwlaa nga ɔ waan n `yo man wɔ'n, n ´yo. Bla, n ´srɛ wɔ, bla wa bo nvle nga i sannzan man min.»

Kalɛ 23:13

Balak seli Balaam ekun kɛ: «Bla e wɔ lika uflɛ. Lɔ liɛ'n a ´kwla wun Izraɛlfuɛ'm be kwlakwla. Afin wa liɛ'n, be bue yɛ a wun i-ɔ. Lɔ sa liɛ'n, a wa bo be sannzan a ´man min.»

Kalɛ 23:27

Balak seli i ekun kɛ: «Bla man e wɔ lika uflɛ, sɛ wienun-ɔn lɔ liɛ'n, Nyanmiɛn ´kplin su kɛ a bo nvle sɔ'n i sannzan a man min o.»

Kalɛ 24:9

Be ti kɛ asɔmɔli mun sa, be koto, kpɛkuun b'a la. ?Wan yɛ ɔ kwla mian be kɛ be jaso-ɔ? Izraɛlfuɛ mun, man sran ng'ɔ yra amun nguan'n ɔ nyan muae klanman, yɛ sran ng'ɔ bo amun sannzan'n, man nyrɛnnɛn tɔ i su .› »

Sa nga bé yôli'n 16:16

Kɛ e ´kɔ lika nga be nin Nyanmiɛn koko yalɛ lɔ'n, afanniɛn kun b'ɔ ti wunnzue yifuɛ'n, bɔ i wunnzue yilɛ sɔ'n nun ɔ nyan sika kpanngban man i min mun'n, ɔ bali ye atin kpalɛ.

Mmla'n 23:4

Amɔnfuɛ mun nin Moabfuɛ mun'n, nán be wlu Anannganman i nvle'n nun. Nán be wlu nun lele nan kɛ ɔ yo-ɔ ɔ'a yo-ɔ. Be osu nunfuɛ nga be ´jaso su lele b'ɔ ´fa ju be anunmannunman'm be akpasua blu su'n, nán be wlu nun.

Zozie 24:9

Zipɔr i wa Balak, b'ɔ ti Moab famiɛn'n i kusu ɔ nin amun kunnin. Ɔ ko yiali Bɛɔr i wa Balaam kɛ ɔ `wa wua amun amuɛn.

1 Samiɛl 17:43

Filisti bian'n seli David kɛ: «?A bu min alua ti yɛ a nin min ´ba kunlɛ-ɔ, a fa waka-a?» Yɛ ɔ fɛli i amuɛn'n wuɛli i-ɔ. Kpɛkuun ɔ seli i ekun kɛ: