Kalɛ 22:22 - NYANMIƐN NDƐ'N 1998

²² Kannzu kɔlɛ ng'ɔ ɔli lɛ'n ɔ'a jɔ-man Nyanmiɛn klun mlɔnmlɔn, i sɔ'n ti Anannganman i anz kun ko jrannin atin'n nun kɛ ɔ kɛtɛ i atin. Balaam ti i aflunmun'n su yɛ i sufuɛ nnyɔn be nin i yɛ be kɔ-ɔ.

Kalɛ 22:22 ပူးပေါင်းရင်းမြစ်များ

2 Famiɛn Mun 10:20

I waan: «Amun `kle cɛn kun man e fa yia e manman Baal» Yɛ be kleli-ɔ.

Ezipt Lɔ Tulɛ'n 23:20

«N ´sunman min anz kun, ɔ ´dun mmua amun nyrun yɛ ɔ ´sasa amun atin'n nun. Ɔ ´fa amun trilili ´ju mɛn nga m'an siesie i lɔ m'an sie amun'n nun.

Ezipt Lɔ Tulɛ'n 4:24

Kɛ be ´kɔ bɔ be juli atin afiɛn'n, Moiz lali lika kun nun kɔnguɛ. Anannganman bali i wun lɛ, i waan ɔ yo nan ɔ wu.

Ngwlɛ Yilɛ 2:4

Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ndɛ Nga Nyanmiɛn I Nuan Ijɔfuɛ Oze Kannin'n 1:4

Anannganman seli Oze kɛ: «Flɛ i kɛ Zizreɛl, afin sɛ ɔ di le nnyɔn kun'n, n wa kle Zei anunman'm be nun, sran nga be kunnin be Zizreɛl lɔ'n ti. Kpɛkuun n wa yo man Izraɛl mɛn'n nun sran fi su yo-man famiɛn kun .

Kalɛ 22:23

Aflunmun'n wunnin Anannganman i anz b'ɔ jin atin'n nun'n, tokofi o i sa nun, ɔ nun-mɛn i bua nun. Aflunmun'n yacili atin i lɛ ɔ su sin bo'n nun. Balaam boli aflunmun'n, i waan o ´yo i sɔ nan ɔ `fa atin'n su.

Kalɛ 22:32

Anz'n usɛli i kɛ: «?Nguɛ ti yɛ w'a bo wɔ aflunmun'n lele kpɛ nsan sɔ nin-ɔn? Nian m buli ɔ nyrun, yɛlɛ kɛ atin nga a fa su yɛ'n ɔ ´fa wɔ kɔ mlinlɛ nun.

Kalɛ 22:35

Anannganman i anz'n seli Balaam kɛ: «Ɔ li a nin sran sɔ mun amun `wɔ. Sanngɛ ndɛ nga n se wɔ kɛ a kan'n yɛ kan-an.» Yɛ Balaam nin Balak i awlo lɔ sran dan'm be ɔli-ɔ.