Kalɛ 22:20 - NYANMIƐN NDƐ'N 1998

²⁰ Kɔnguɛ Nyanmiɛn wa seli Balaam kɛ: «Kɛ bɔ sran nga'm be bali wɔ flɛlɛ'n ti, jaso nan a nin be wɔ. Sanngɛ like nga n se wɔ kɛ a yo'n yɛ yo-ɔ.»

Kalɛ 22:20 ပူးပေါင်းရင်းမြစ်များ

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Ezai 37:29

Kɛ bɔ a fali mín wun ya, bɔ a kannin min wun ndɛ tɛtɛ'n ti'n, n wa wla ɔ bue nun nga, yɛ n ´wla ɔ́ nuan nun nga. N ´fa wɔ n ´sin atin kunngba nga a fa bali'n su, n ´fa wɔ n ´sa ɔ́ sin.›

Zeremi 1:7

Yɛ Anannganman'n seli min kɛ: «Nán se kɛ a ti bakan, sran nga n sunman wɔ bé sin'n, kɔ be kwlaa bé sin. Ndɛ kwlaa nga n waan a `kan'n, kan.

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Kalɛ 22:19

Sanngɛ amun `la. Ndɛ kɔnguɛ'n, n wa ti ndɛ nga Anannganman wa kɛn i ekun kle min'n.»

Kalɛ 22:35

Anannganman i anz'n seli Balaam kɛ: «Ɔ li a nin sran sɔ mun amun `wɔ. Sanngɛ ndɛ nga n se wɔ kɛ a kan'n yɛ kan-an.» Yɛ Balaam nin Balak i awlo lɔ sran dan'm be ɔli-ɔ.

Kalɛ 23:12

Balaam tɛli i su kɛ: «?Min liɛ nga n yo'n, nán i yɛlɛ ndɛ nga Anannganman fa wla mín nuan'n i kanlɛ?»

Kalɛ 23:16

Anannganman yili i wun nglo kleli Balaam, ɔ fɛli i ndɛ'n wlɛli i nuan, nan ɔ'a se i kɛ ɔ `sɛ i sin Balak wun lɔ.

Kalɛ 23:26

Balaam tɛli i su kɛ: «?M'an dun mmua kan kle-man wɔ kɛ Anannganman i nuan su ndɛ kwlaa ng'ɔ fa wla mín nuan'n yɛ n ´kan-an?»

Kalɛ 23:5

Ndɛ ng'ɔ fata kɛ Balaam kan'n, Nyanmiɛn fa wlɛli i nuan, nan ɔ'a se i kɛ ɔ `sɛ i sin Balak wun lɔ.

Kalɛ 24:13

?M'an se-man be kɛ sɛ bɔ Balak fa jɛtɛ ufue nin sika ɔkwlɛ bɔ ɔ'a yi i sua'n piɛ'n fa man min'n, m bɔbɔ n su kwla kpɛ-man mín ti nun n yo-man sa kun sa, sɛ ɔ ti tɛ o, sɛ ɔ ti kpa o, nan san ndɛ nga Anannganman kan kle min'n yɛ n ´kan-an?

Kalɛ 24:4

Min bɔ Nyanmiɛn kɛn i nuan su ndɛ mun kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ: