Kalɛ 21:7 - NYANMIƐN NDƐ'N 1998

⁷ Be nga b'a wu-man wie'n be ɔli ndɛndɛ be ko toli Moiz, be seli i kɛ: «Y'a yo tɛ, afin e kannin Anannganman nin wɔ amún wun ndɛ tɛtɛ. Kpata Anannganman man e nan ɔ fuan wuo nga mun.» Yɛ Moiz tɔli Anannganman i kpatalɛ su-ɔ, i waan: «Anannganman, si Izraɛlfuɛ'm be aunnvuɛ.»

Kalɛ 21:7 ပူးပေါင်းရင်းမြစ်များ

Bo Bolɛ 20:17

Abraam i yi Sara dunman nun ti Nyanmiɛn yoli man Abimelɛk i awlo'n nun bla'm be kwlaa be klun yoli kpan. Nan Abraam ɔ'a srɛ Nyanmiɛn ɔ'a man Abimelɛk nin i yi nin i sran mun nan b'a sin be osu b'a kwla wu ba ekun.

Bo Bolɛ 20:7

Ɔ man fa bian'n i yi'n mɛn i. Man ɔ srɛ min man wɔ nan w'a wu-man. Ɔ ti min nuan ijɔfuɛ. Sɛ a fa mɛn-mɛn i'n, a nin ɔ́ wun sran'm be kwlakwla, amun ´wu.»

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

2 Famiɛn Mun 13:4

Zɔakaz kpatali Anannganman. Anannganman tieli i srɛlɛ'n, afin ɔ wunnin yalɛ nga Siri famiɛn'n kleli Izraɛlfuɛ mun'n.

Zɔb I Nyrɛnnɛn Wunlɛ 42:10

Kɛ Zɔb srɛli Nyanmiɛn mannin i janvuɛ mun'n, kpɛkuun Anannganman yoli man ɔ sinnin i osu laa'n nun. Anannganman yoli man i ninnge ng'ɔ lɛ i laa'n, ɔ wa nyɛnnin i sɔ kpɛ nnyɔn.

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Jue Mun 78:34

Kɛ wie'n tɔ bé su'n, bé nyin kpɛn Nyanmiɛn su, be sa bé sin be bɛ i sin kɛ ɔ de be.

Ezipt Lɔ Tulɛ'n 10:17

Sanngɛ amun `yaci mín sa tɛ'n be cɛ min ndɛ liɛ'n, nan amun `srɛ Anannganman amun Nyanmiɛn'n man ɔ fuan nyrɛnnɛn sa nga man ɔ jaso mín wun wa wɔ mmua ekun.»

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 32:30

Kɛ aliɛ cɛnnin'n, Moiz seli nvlefuɛ'm be kɛ: «Amu'an yo sa tɛ dan kpa. N su fu oka'n su lɔ Nyanmiɛn wun lɔ. Wienun-ɔn, sɛ ɔ ´yaci amún sa tɛ'n ´cɛ amun o!»

Ezipt Lɔ Tulɛ'n 8:28

Kɛ ɔ yoli sɔ'n, famiɛn'n wa keteli i anwlɛn'n ekun. I waan ɔ yaci-man Izraɛlfuɛ'm be nun nan be kɔ-man.

Ezipt Lɔ Tulɛ'n 8:4

Famiɛn'n yiali Moiz nin Aarɔn nan ɔ'a se be kɛ: «Amun `kpata Nyanmiɛn nan ɔ yo man klɛ'm be jaso e nin min nvlefuɛ mun é wun lɛ be wɔ mmua, kpɛkuun n wa man amun sran'm be atin nan be ko yi tɛ be man Anannganman.»

Ezipt Lɔ Tulɛ'n 8:8

Moiz nin Aarɔn be fin Ezipt famiɛn'n i awlo'n nun lɔ fiteli. Moiz ko srɛli Anannganman kɛ ɔ de famiɛn'n klɛ'm be yalɛ bɔ be kle i'n nun.

Ezai 26:16

Anannganman, blɛ bɔ sa kekle tɔli be su'n, be fali be wun mantannin wɔ. Kɛ a tuli be fɔ'n, be srɛli wɔ.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Kalɛ 11:2

Sran'm be kpannin kekle, be sun flɛli Moiz, nan Moiz a kpata Nyanmiɛn, kpɛkuun fɔun yɛ sin'n nuannin-ɔn.

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

Sa nga bé yôli'n 8:24

Yɛ Simɔn seli be kɛ: «Amun bɔbɔ an `kpata e Min Nyanmiɛn'n man min kɛ ɔ ´yo nan sa nga an kɛn i ndɛ'n i wie fi ɔ'a tɔ-man n su'n ti.»

Rɔmfuɛ Mun 10:1

Aniaan mun, min nuan bɔ n yra'n nin sa nga n fa srɛ Nyanmiɛn kɛ ɔ yo man Izraɛlfuɛ mun'n, yɛlɛ kɛ be `fite nun.

Mmla'n 9:20

Anannganman fali ya dan kpa Aarɔn wun, i waan ɔ ´kun i, nan m'an srɛ m'an mɛn i wie le kun sɔ'n nun.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 15:30

Sail waan: «M'an yo sa tɛ, sanngɛ ɔli nán gua mín nyin ase Izraɛl kpɛnngbɛn nin Izraɛlfuɛ'm be nyrun. Sa ɔ́ sin bla man n ko koto Anannganman b'ɔ ti ɔ Nyanmiɛn'n i bo.»