Kalɛ 21:6 - NYANMIƐN NDƐ'N 1998

⁶ Yɛ Anannganman sunmannin wuo bo be lɛ bɔyre tɛtɛ kpa'n kɛ be wa ka be. Be kakali Izraɛlfuɛ kpanngban kpa, yɛ sran sɔ'm be wuli.

Kalɛ 21:6 ပူးပေါင်းရင်းမြစ်များ

Ezai 14:29

Amun Filistifuɛ mun kwlaa, nán amun klun jɔ waka nga be fa boli amun'n i bubulɛ bɔ ɔ'a bubu'n ti! Yɛlɛ kɛ ɔnda ´fite wuo'n i osu'n nun, yɛ dragɔn b'ɔ tu'n, ɔ ´fin i nun fite.

Ezai 30:6

Mɛn i ngua lɔ nnɛn'm bé wun ndɛ. B'a fa anyanbeun ninnge mun b'a sua aflunmun mun, b'a fa ninnge kpakpa mun b'a sua nyɔnngɔnmɛn mun, be su fa ko man sran'm bɔ be su kwla uka-man be'n. Nyrɛnnɛn, nin awlaboɛ lika'n, b'ɔ ti asɔmɔli bla, nin asɔmɔli yasua, nin ɔnda, ɔ nin dragɔn ng'ɔ tu'n be lika'n, lɛ yɛ be sin-ɔn.

Zeremi 8:17

«N wa fa wuo bɔ be lɛ bɔyre kpa'n n ´to amun lɔ. Wuo wlɛfuɛ nga be kan be nun ngowa-a ɔ yo-man ye, be wa ka amun.» Anannganman'n yɛ ɔ kan sɔ-ɔ.

Ezekiɛl 14:15

«Sɛ n yo nan nnɛn tɛtɛ'm be wlan-wlan mɛn sɔ'n i wunmuan'n nun nan be bo i'n, sɛ ɔ tɔ srolo nan nnɛn sɔ'm bé wun srɛ ti sran fi ɔ'a kwla sin-man mɛn sɔ'n nun kun'n,

1 Korɛntfuɛ Mun 10:9

Nán man e kunndɛ e Min'n i nuan kɛ be nun wie'm be kunndɛli b'ɔ man wuo'm be kunnin be'n sa .

Mmla'n 8:15

Ɔ fali amun sinnin aawlɛ flɛnnɛn dan sroesroe ɔ nin nun wuo bɔ be lɛ bɔyre kpa ɔ nin nyannglan'm be nun. Ɔ fali amun sinnin lika kee sɔ bɔ nzue nun-man nun'n i nun, sanngɛ ɔ yoli man nzue fin yɛbuɛ kekleke'n nun fiteli yɛ amun nɔnnin.