Kalɛ 21:5 - NYANMIƐN NDƐ'N 1998

⁵ yɛ be tɔli Moiz nin Nyanmiɛn bé wun ndɛ tɛtɛ kanlɛ'n su-ɔ. Be waan: «?Nzu ti yɛ amun fali e Ezipt lɔ bali wa-a? ?E kunlɛ ti yɛ amun fali e bali aawlɛ flɛnnɛn'n nun wa-a? Be nyan-man aliɛ be di-mɛn i wa, yɛ be nyan-man nzue be nɔn-mɛn i wa, yɛ nyrɛnnɛn aliɛ nga ɔ'a flan ye .»

Kalɛ 21:5 ပူးပေါင်းရင်းမြစ်များ

Jue Mun 68:6

Nyanmiɛn o i tranwlɛ'n nun lɔ, ɔ ti aika'm bé si, ɔ ti angboti bla'm bé sin jranfuɛ.

Jue Mun 78:19

Be kannin Nyanmiɛn i ndɛ tɛtɛ, be seli kɛ: «?Nyanmiɛn bɔbɔ kpa'n ɔ kwla man ye aliɛ aawlɛ flɛnnɛn nga nun wa?

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Ezipt Lɔ Tulɛ'n 16:15

Izraɛlfuɛ'm be wunnin i, sanngɛ be si-mɛn i, be usali be wiengu kɛ: «?Nzu like yɛlɛ nga?» Moiz tɛli bé su kɛ: «Aliɛ nga Anannganman fa mannin amun kɛ amun di'n yɛ ɔ o lɛ-ɔ.

Ezipt Lɔ Tulɛ'n 16:31

Izraɛlfuɛ'm be flɛli aliɛ sɔ'n kɛ mani. Ɔ ti kɛ koriandri mma sa. Ɔ ti ufue, yɛ ɔ ti mlɛn-mlɛn kɛ gato bɔ wɛma nzue o nun'n sa.

Nyanndra Mun 27:7

Sran nga bɔ i ku ti yiwa'n, kannzɛ be mɛn i awɛma nzue-ɔ, ɔ di-man. Sanngɛ sran nga bɔ awe kun i'n, kannzɛ man like'n ɔ yo wi sɛ, sanngɛ ɔ yo fɛ i nuan nun.

Ezekiɛl 20:21

Sanngɛ be jasoli mín wun wie. B'a fa-man mín nuan su ndɛ'm be su, b'a fa-man min mmla bɔ sran fa su-ɔ ɔ nyɛn i ti'n be su. B'a nian-man min wunmiɛn-delɛ-cɛn'n su. M buli akunndan kɛ n ´fa bé wun ya, min waan n ´fɛ i lele n ´nguɛ i ti nin i bo aawlɛ flɛnnɛn'n nun lɔ.

Kalɛ 11:20

Amun ´di i lele anglo klonglo kun, ɔ ´flan amun siɛn'n, lele ɔ ´bɔn amun bue nun. Kɛ bɔ amun yoli min bɔ n wo amun afiɛn'n min finfin, bɔ amun sun guali min wun, bɔ amun seli kɛ: ?Nguɛ ti yɛ e fin Ezipt lɔ e bali'n? Sa nga amun yoli'n i nuan fɔ nga n ´tu amun'n yɛ ɔ o lɛ-ɔ? › »

Kalɛ 17:12

Aarɔn fali sɛnmlɛn guawlɛ'n kɛ Moiz seli i'n sa, yɛ ɔ wanndi ɔli sran'm be afiɛn lɔ-ɔ. Ɔ ´ju lɔ o, sakpa nyrɛnnɛn'n ɔ'a bo i bo nvlefuɛ'm be afiɛn. Ɔ yili ansans sraka'n, yɛ ɔ yoli like ng'ɔ fata kɛ ɔ yo'n nan Nyanmiɛn ɔ'a yaci bé wun sa tɛ'n ɔ'a cɛ be'n.

1 Korɛntfuɛ Mun 10:9

Nán man e kunndɛ e Min'n i nuan kɛ be nun wie'm be kunndɛli b'ɔ man wuo'm be kunnin be'n sa .