Kalɛ 21:16 - NYANMIƐN NDƐ'N 1998

¹⁶ Kɛ be fɛ i lɛ'n, be ɔli Beɛr. Beɛr lɛ'n, Anannganman seli Moiz kɛ: «Yia nvlefuɛ mun, n wa man be nzue.»

Kalɛ 21:16 ပူးပေါင်းရင်းမြစ်များ

Bo Bolɛ 21:19

Yɛ Nyanmiɛn tikeli Agar i nyinma kpɛkuun ɔ ´nian-an, gbo yɛ, nzue o nun. Nan ɔ'a fa kplo'n ɔ'a ko sa wie nan ba'n ɔ'a nɔn.

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 15:8

Afin be kpanlɛ i nganniɛn'n ɔ kɔ lele ju Moab mɛn'n i bue kwlakwla su. Be ngwlɛ bɔ be yi'n ɔ kɔ lele ju Eglaim. Be ngwlɛ bɔ be yi'n ɔ kɔ lele ju Beɛr-Elim.

Ezai 43:20

Blo nnɛn mun o, nsoso mun o, klɔnsoklo mun o, be ´manman min, afin n ´yo man nzue ´tran aawlɛ flɛnnɛn'n nun, yɛ nzue ba'm be ´sonji asiɛ kee'n nun nan min nvle'n nunfuɛ mun bɔ n kpali be'n be `nyan nzue be `nɔn.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Kalɛ 20:8

«Fa kpɔnman'n nan a nin ɔ niaan bian Aarɔn amun `yia sran'm be kwlaa. Yɛ be nyrun lɛ'n, amun `kan ndɛ kle yɛbuɛ nga nan ɔ `man amun nzue. A wa yo man nzue ´fin yɛbuɛ nga nun ´fite, kpɛkuun a ´fa man Izraɛlfuɛ'm be nin be nnɛn'm be ´nɔn.»

Kalɛ 33:46

Kɛ be fɛli i Dibɔn-Gad lɛ'n, be ko kpɛli be ngblaliɛ'n Almɔn-Diblataim lɔ.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Jɔlɛ Difuɛ Mun 9:21

Zɔtam fɛli i lɛ ɔ ko fiali. Ɔ ɔli Beɛr, ɔ ko trannin i niaan Abimelɛk wun mmua.