Kalɛ 20:22 - NYANMIƐN NDƐ'N 1998

²² Izraɛlfuɛ'm be kwlakwla be tuli bé bo Kadɛs be ko juli Ɔr oka'n su.

Kalɛ 20:22 ပူးပေါင်းရင်းမြစ်များ

Ezekiɛl 47:19

Ngua lɔ anyialiɛ liɛ'n, ɔ ´bo i bo Tamar, Mɛriba-Kadɛs nzue bo'n nun, ɔ ´san Ezipt nzue dan'n lele ɔ ´ju Mediterane jenvie'n wun lɔ kpɔ. Ngua lɔ anyialiɛ liɛ'n yɛ ɔ o lɛ-ɔ.

Ezekiɛl 48:28

Gad i anyialiɛ ng'ɔ o ngua'n, i yɛ ɔ ´yo mɛn sɔ'n i anyialiɛ nin-ɔn. Ɔ ´fɛ i Tamar bɔ o wia afiliɛ lɔ'n su, ɔ ´sin Kadɛs, ɔ ´ju Mɛriba i nzue bo'n su lɛ. I sin ɔ ´ko sin Ezipt nzue dan'n i wun lele ɔ ´to Mediterane jenvie'n kpɔ.

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 20:1

Anglo klikli'n nun'n, Izraɛlfuɛ'm be kwlakwla be juli Zin aawlɛ flɛnnɛn'n nun, be trannin Kadɛs lɛ. Lɛ yɛ Mari wuli-ɔ, be sieli i lɛ.

Kalɛ 20:14

Kɛ be tɛ o Kadɛs lɛ'n, Moiz sunmannin sran kɛ be `ko se Edɔm famiɛn'n kɛ: «Tie ɔ niaan Izraɛlfuɛ'm be ndɛ nga be kan'n. A si afɛ'n kwlaa nga e fɛli'n.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Kalɛ 21:4

Izraɛlfuɛ'm be jasoli Ɔr oka'm be wun lɛ, be ɔli ndɛma jenvie'n i wun lɔ kɛ ɔ ´yo nan b'a kwla san Edɔm mɛn'n i wun'n ti. Kɛ be juli atin afiɛn'n, sran'm b'a kwla-man be anwlɛn tra kun,

Kalɛ 34:7

Sɛ amun kpɛ amún nyin wia afiliɛ lɔ'n, amún sa bɛ su lika'n nun lɔ'n anyialiɛ'n sin Mediterane jenvie'n nin Ɔr oka'n be afiɛn.

Mmla'n 1:46

Amun trannin Kadɛs lɛ cɛli lɛ lɔuun kpa.