Kalɛ 20:2 - NYANMIƐN NDƐ'N 1998

² Kɛ bɔ nvlefuɛ'm be nyan-man nzue'n, be kpɛ sin yiali Moiz nin Aarɔn, nan b'a fa ndɛnngan b'a wla bé sin.

Kalɛ 20:2 ပူးပေါင်းရင်းမြစ်များ

Jue Mun 106:32

Be kannin Anannganman i ya Mɛriba nzue'n i nuan lɔ ekun, i ti man Moiz yoli i sa ya,

Ezipt Lɔ Tulɛ'n 16:12

«N tili Izraɛlfuɛ'm be trikilɛ nga be trikili'n. Kan ndɛ nga kle be man min, se be kɛ: ‹Ndɛ nnɔsua amun ´di nnɛn, ainman nglɛmun kusu amun ´nyan kpaun ng'ɔ ko ju amun'n, kɛ ɔ ko yo sɔ'n, amun ´wun i wlɛ kɛ min yɛ n ti Anannganman amun Nyanmiɛn nin-ɔn.› »

Ezipt Lɔ Tulɛ'n 16:2

Aawlɛ sɔ'n nun lɛ'n, Izraɛlfuɛ'm be wa plannin Moiz nin Aarɔn bé su.

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Kalɛ 14:2

Izraɛlfuɛ'm be kwlaa be ijɔli Moiz nin Aarɔn bé tɛtɛ, be waan: «?Nguɛ sa yɛlɛ nga? Sɛ e wuli Ezipt mɛn'n nun lɔ'n annzɛ aawlɛ flɛnnɛn'n nun lɔ'n, wuun ɔ flunman!

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Kalɛ 16:19

Kɔre yiali Izraɛlfuɛ'm be kwlaa, be wa jranjrannin be nyrun ndɛnman su lɛ tannin sua'n i anuan'n wun lɛ. Kpɛkuun sran'm be kwlaa be nyrun lɛ'n, Anannganman yili i nyrun nyannyan'n i nglo.

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Kalɛ 21:5

yɛ be tɔli Moiz nin Nyanmiɛn bé wun ndɛ tɛtɛ kanlɛ'n su-ɔ. Be waan: «?Nzu ti yɛ amun fali e Ezipt lɔ bali wa-a? ?E kunlɛ ti yɛ amun fali e bali aawlɛ flɛnnɛn'n nun wa-a? Be nyan-man aliɛ be di-mɛn i wa, yɛ be nyan-man nzue be nɔn-mɛn i wa, yɛ nyrɛnnɛn aliɛ nga ɔ'a flan ye .»