Kalɛ 20:14 - NYANMIƐN NDƐ'N 1998

¹⁴ Kɛ be tɛ o Kadɛs lɛ'n, Moiz sunmannin sran kɛ be `ko se Edɔm famiɛn'n kɛ: «Tie ɔ niaan Izraɛlfuɛ'm be ndɛ nga be kan'n. A si afɛ'n kwlaa nga e fɛli'n.

Kalɛ 20:14 ပူးပေါင်းရင်းမြစ်များ

Bo Bolɛ 25:23

Anannganman seli i kɛ: «Akpasua nnyɔn be o ɔ klun. A wa wu nvle nnyɔn. Kun ´kwla kun, ba kpɛnngbɛn'n ɔ ´su i sinma'n.»

Bo Bolɛ 25:25

Klikli'n i wunnɛn'n ti zoun. I wun ndrɛ kpa'n sa ɔ waan tralɛ nga be fa nnɛn ndrɛ be yo nin-ɔn. I sɔ'n ti be flɛli i kɛ Ezau .

Bo Bolɛ 25:26

I osu b'ɔ cɛ kan'n yɛ be wuli i niaan bian nin-ɔn. I sa'n ɔ lɛ Ezau i ja sin nanndi'n nun. I sɔ'n ti be flɛli i kɛ Zakɔb. Kɛ be ´wu be'n, wuun Izaak ɔ'a di afuɛ ablesiɛn.

Bo Bolɛ 32:29

Sran'n sɔ'n seli i kɛ: «Be su flɛ-man wɔ Zakɔb kun, be wa flɛ wɔ kɛ Izraɛl siɛn'n, afin a nin Nyanmiɛn nin sran mun tuli, wɔ yɛ a kwlali-ɔ.»

Ezipt Lɔ Tulɛ'n 18:8

Moiz kannin sa nga Anannganman fa yili i Ezipt famiɛn'n nin Eziptfuɛ'm be su Izraɛlfuɛ'm be dunman nun'n kwlaa. Ɔ kannin nyrɛnnɛn nga be wunnin i atin nun'n, ɔ nin delɛ nga bɔ Anannganman fa deli be'n.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 20:15

Laa, e nannan'm be ko trannin Ezipt mɛn'n nun lɔ, e nvle'n cɛli lɔ kpa. Eziptfuɛ'm be yoli é nannan mun nin e bɔbɔ e tɛtɛ.

Kalɛ 20:22

Izraɛlfuɛ'm be kwlakwla be tuli bé bo Kadɛs be ko juli Ɔr oka'n su.

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Zozie 2:10

E tili i kɛ blɛ nga amun fin Ezipt ´ba'n, Anannganman kpɛli Ndɛma jenvie'n nun mannin amun. Yɛ i ng'ɔ o su ekun, Amɔrfuɛ'm be famiɛn nnyɔn'n: Siɔn nin Ɔg nga be o Zurdɛn'n i lika ng'ɔ kpɛ wia afiliɛ lɔ nun'n, be kunlɛ nga amun ko kun be'n, i nganniɛn guali e su wa.

Zozie 2:9

nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.

Zozie 9:10

ɔ nin sa ng'ɔ fa wlali Amɔr famiɛn nnyɔn nga be o Zurdɛn i bue kun lɔ'n be nun'n: Siɔn b'ɔ ti Ɛsbɔn famiɛn'n, ɔ nin Ɔg b'ɔ ti Bazan famiɛn ng'ɔ tran Astarɔt lɔ'n.

Zozie 9:9

Be tɛli i su kɛ: «Nannan, e fin mɛn mmua kpa kun nun. Sa nga ti bɔ e ba'n, yɛlɛ Anannganman ɔ Nyanmiɛn i ngan bɔ e tili'n. E tili atrɛ ng'ɔ yili i Ezipt lɔ'n,