Kalɛ 20:12 - NYANMIƐN NDƐ'N 1998

¹² Sanngɛ Anannganman seli Moiz nin Aarɔn be kɛ: «Amu'an lafi-man min su, amu'an yaci-man min lɛ nan m'an yi-man min wun nglo m'an kle-man Izraɛlfuɛ mun be kɛ min nzuɛn nin klɔ sran liɛ'n ti-man kun. I sɔ'n ti, nán amun yɛ amun ´fa min sran mun ´kɔ mɛn nga n ´fa man be'n nun lɔ-ɔ .»

Kalɛ 20:12 ပူးပေါင်းရင်းမြစ်များ

2 Be Nyoliɛ 20:20

Kɛ i aliɛ cɛnnin'n, nglɛmun ndɛ kpa'n, be jasoli be fali Tekoa aawlɛ flɛnnɛn'n i atin'n. Kɛ be wa kɔ'n, Zozafat jaso jrannin nan ɔ'a kan ndɛ ng'ɔ o yɛ'n ɔ'a kle be. I waan: «Zerizalɛmfuɛ mun nin Zidafuɛ mun, amun `tie ndɛ nga n kan'n! Amun `fa amún wla'n gua Anannganman amun Nyanmiɛn'n su kpa, yɛ ɔ ´man amun fanngan. Amun `fa amun wla'n guɛ i nuan ijɔfuɛ'm be su, yɛ amun wa kwla amun kpɔfuɛ mun.»

Jue Mun 106:32

Be kannin Anannganman i ya Mɛriba nzue'n i nuan lɔ ekun, i ti man Moiz yoli i sa ya,

Jue Mun 99:8

Anannganman e Nyanmiɛn, ɔ bɔbɔ yɛ a tɛli be su nin-ɔn. A kleli be kɛ a ti Nyanmiɛn kun bɔ a tra wɔ anwlɛn, a yaci sa cɛ, sanngɛ kusu a tu be fɔ be sa tɛ bɔ be yo'n ti.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Ezai 8:13

Anannganman b'ɔ sie mɛn wunmuan'n i kunngba yɛ ɔ fata kɛ amun kisɛ i su-ɔ. I yɛ ɔ fata kɛ amun nyin yi i-ɔ, i yɛ ɔ fata kɛ amun sro i-ɔ.

Ezekiɛl 20:41

Kɛ n ko fa amun nvle-nvle'm be nun nin mɛnmɛn nga amun bo sanndili nun be nun n ko ba'n, bɔ n ko yiayia amun'n, n ´sɔ amun nun klanman kɛ tɛ ng'ɔ bɔn fannin'n sa. N wa fa amun n klekle nvle-nvle'm be kɛ min liɛ'n min nzuɛn'n nin klɔ sran liɛ'n ti-man kun .

Ezekiɛl 36:23

Kannzɛ bɔ amu'an saci min dunman'n kaiin nvle-nvlefuɛ'm be afiɛn'n, n wa kle nvle sɔ'm be kɛ n ti Nyanmiɛn kpli bɔ min nzuɛn'n nin klɔ sran liɛ'n ti-man kun. I sɔ'n ti'n, n ´yo man amun ´man n kɔmin su ekun. Yɛ be wa si jrɛiin kɛ n fa ti nin-ɔn.› » Anannganman Nyanmiɛn yɛ ɔ kan sɔ-ɔ.

Ezekiɛl 38:10

Anannganman Nyanmiɛn wan yoo: I cɛn sɔ nun'n, akunndan wie'm be wa ba ɔ́ ti nun. Like nga a ´bu i akunndan kɛ a ´yo'n, ɔ su yo-man like kpa kpa.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Kalɛ 11:15

Sɛ ɔ waan a ´yo min sɔ'n, wuun kun min kpɛkun. Kɛ ɔ ko yo sɔ'n, wuun ndɛ ti a kpɛ, wuun w'a yo min ye, kpɛkuun n su wun-man min nyrun kun.»

Kalɛ 20:24

«Aarɔn su wa wu, afin ɔ su ju-man mɛn nga n ´fa man Izraɛlfuɛ mun'n i nun, yɛlɛ kɛ amún nyin a yi-man min Mɛriba nzue ti'n su lɔ.

Kalɛ 27:14

Sa ti b'ɔ ´yo sɔ'n yɛlɛ kɛ amun kacili mín nuan su ndɛ nga n kɛnnin i Zin aawlɛ flɛnnɛn'n nun lɔ'n. Amun kacili min nuan ndɛ'n blɛ nga Izraɛlfuɛ'm be kwlaa be kunndɛli min nin utre'n nun. Amu'an yo-man man min dunman'n ɔ'a fu-man be nyrun blɛ bɔ be waan be `man be nzue Kadɛs lɔ'n. Amun ti man n dunman ɔ'a fu-man Zin aawlɛ'n nun lɔ Mɛriba nzue bɔ be flɛ i Utre nzue'n i ndɛ'n su .»

Matthieu 17:17

Yɛ Jésus seli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? An `fɛ i blɛ min.»

Matthieu 17:20

Jésus seli be kɛ: «Nyanmiɛn su bɔ an lafi-man'n ti-ɔ. Nanwlɛ, sɛ an lafi Nyanmiɛn su bɔ kaan b'ɔ ju kɛ mutard mma sa'n, an kwla se oka ng'ɔ o yɛ'n kɛ: ‹Tu ɔ bo wa kɔ le sa.› Ɔ ´tu i bo, yɛ sa fi nun-man lɛ bɔ an su kwlɛ-mɛn i yo-ɔ. [

JÉSUS-CHRIST I DYASIN FE'N BO LUC KLELI'N 1:20

Nian, a wa yo bobo, a su kwla-man ijɔ lele san b'a wu ba sɔ'n, yɛlɛ kɛ a lafi-man min ndɛ'n su, sanngɛ sɛ i cɛn'n ju'n sa sɔ'n ´yo.»

JÉSUS-CHRIST I DYASIN FE'N BO LUC KLELI'N 1:45

Mmo, ɔ bɔ a lafi ndɛ bɔ e Min Nyanmiɛn kannin'n su kɛ ɔ ´yo'n, ɔ liɛ su ti ye.»

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Rɔmfuɛ Mun 4:20

Kɛ ɔ buli like nga Nyanmiɛn seli i kɛ ɔ ´yo'n i akunndan'n, i akunndan'n ɔ'a yo-man nnyɔn-nnyɔn, sanngɛ ɔ jrannin kekle Nyanmiɛn su b'ɔ lafi'n ti, yɛ ɔ mɛnmɛnnin i.

Mmla'n 1:37

Amun dunman nun ti Anannganman fali ya mín wun. Ɔ seli min kɛ: ‹Ɔ kusu a su ju-man mɛn sɔ'n nun lɔ wie.

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Mmla'n 4:21

Amun dunman nun ti Anannganman fali ya mín wun. Ɔ tali nda kɛ n su kpɛ-man Zurdɛn nzue ba'n nan n su ju-man mɛn klanman bɔ ɔ'a fa man amun'n nun lɔ.

Zozie 1:2

«Min sufuɛ Moiz yɛ ɔ'a wu yɛ. I ti, siesie ɔ wun nan a nin Izraɛl nvle'n amun `kpɛ Zurdɛn nzue'n b'ɔ o yɛ'n, amun `wɔ mɛn nga n su wa fa man Izraɛlfuɛ mun'n i nun.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .