Kalɛ 20:11 - NYANMIƐN NDƐ'N 1998

¹¹ Moiz mɛnnin i sa'n su, ɔ fali kpɔnman'n finnin yɛbuɛ'n kpɛ nnyɔn, kpɛkuun kpu, piaa nzue fin yɛbuɛ'n nun fiteli dan kpa, nan Izraɛlfuɛ'm be nin be nnɛn mun b'a nɔn.

Kalɛ 20:11 ပူးပေါင်းရင်းမြစ်များ

1 Be Nyoliɛ 15:13

Kɛ e ´ko fɛ i i klikli su'n, amu'an ɔ-man wie. I ti Anannganman'n e Nyanmiɛn'n i sa kannin ye, afin y'a nian-man nga mmla'n kannin'n su yɛ e ko fali-ɔ .»

1 Be Nyoliɛ 15:2

kpɛkuun i waan: «Sran fi su sua-man Nyanmiɛn i alaka'n san Levifuɛ mun, afin be yɛ Anannganman kpali be kɛ be sua nan be di i wun junman titi-ɔ. »

Jue Mun 105:41

Ɔ kpacili yɛbuɛ nun, kpɛkuun nzue fin nun fiteli. Nzue'n sonjili asiɛ kee'n su kɛ nzue ba sa.

Jue Mun 114:8

afin ɔ fa yɛbuɛ kaci fɛtɛ. Ɔ fa kpangba lika'n ɔ kaci nzue ti .

Jue Mun 74:15

A mannin nzue ti nin nzue ba'm be sonjiwlɛ. Wɔ yɛ man nzue ba dandan nga be nian wie-man nun le'n be wie nun-ɔn .

Jue Mun 78:15

Ɔ kpacili yɛbuɛ wie'm be nun aawlɛ flɛnnɛn'n nun lɔ, nzue kpanngban kpa fin be nun fiteli yɛ be nɔnnin.

Jue Mun 78:16

Nzue sɔ'n sonjili kɛ nzue ba dandan'm be nun nzue'n sa .

Jue Mun 78:20

Ɔ'a yo man nzue'n ɔ'a fin yɛbuɛ'n nun ɔ'a fite ɔ'a sonji, y'a wun i lili. ?Sanngɛ ɔ ´kwla man ye aliɛ nin nnɛn?»

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ezai 43:19

Amun `nian, n wa yo sa uflɛ kun, be su wun i bue nuan bɔbɔ. ?Amun su ´wun-mɛn i wlɛ? N wa tike atin kun aawlɛ flɛnnɛn'n nun, yɛ n wa yo man nzue ba'm be ´sonji asiɛ kee'n nun.

Ezai 48:21

Asiɛ kee b'ɔ ´fa be ´sin nun'n, nzue we su kun-man be lɔ. Ɔ ´yo man nzue ´fin yɛbuɛ'n nun fite ɔ ´fa man be. Ɔ ´kpaci yɛbuɛ'n nun, kpɛkuun nzue'n su nyrɛn.

Ndɛ Nga Nyanmiɛn I Nuan Ijɔfuɛ Oze Kannin'n 13:5

Blɛ bɔ amun o aawlɛ flɛnnɛn'n nun lɔ'n, bɔ amun o mɛn bɔ be nyan-man nzue nun'n nun lɔ'n, min yɛ n trali amun sa-a.

Saun Yolɛ 10:1

Aarɔn i wa yasua'm be nun nnyɔn Nadab nin Abii, likɛ sunman pɔpɔti nga be yra ansans nun'n, be nnyɔn'n, nga fɛ i liɛ nga fɛ i liɛ, kpɛkuun be guali be nun sin. Be fali ansans be guali su. I sɔ sin liɛ b'ɔ ti-man Anannganman liɛ'n, bɔ nán nga b'ɔ kleli kɛ be fa'n, kpɛkuun b'a fa ju Anannganman nyrun.

Kalɛ 20:8

«Fa kpɔnman'n nan a nin ɔ niaan bian Aarɔn amun `yia sran'm be kwlaa. Yɛ be nyrun lɛ'n, amun `kan ndɛ kle yɛbuɛ nga nan ɔ `man amun nzue. A wa yo man nzue ´fin yɛbuɛ nga nun ´fite, kpɛkuun a ´fa man Izraɛlfuɛ'm be nin be nnɛn'm be ´nɔn.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

1 Korɛntfuɛ Mun 10:4

yɛ nzue kunngba b'ɔ fin Nyanmiɛn sa nun'n yɛ be kwlaa be nɔnnin-ɔn, afin be kwlaa be nɔnnin nzue b'ɔ fin yɛbuɛ b'ɔ su be su'n i nun, yɛbuɛ sɔ'n yɛlɛ Krist .

Mmla'n 8:15

Ɔ fali amun sinnin aawlɛ flɛnnɛn dan sroesroe ɔ nin nun wuo bɔ be lɛ bɔyre kpa ɔ nin nyannglan'm be nun. Ɔ fali amun sinnin lika kee sɔ bɔ nzue nun-man nun'n i nun, sanngɛ ɔ yoli man nzue fin yɛbuɛ kekleke'n nun fiteli yɛ amun nɔnnin.

Jacques 1:20

Afin sɛ sran fa ya'n, ɔ kwla yo-man sa ng'ɔ ti kpa'n Nyanmiɛn nyrun'n.

Jɔlɛ Difuɛ Mun 15:19

Yɛ Nyanmiɛn'n kpacili Lesi lɛ yɛbuɛ'n i nun-ɔn, kpɛkuun nzue fin yɛbuɛ buɛ nun fiteli. Yɛ Samsɔn nɔnnin nzue sɔ'n wie nan ɔ'a nyan fanngan ekun. I ti yɛ be tɔnnin nzue ti sɔ i dunman kɛ Sran Ng'ɔ Kpan Flɛ Sran'n i Nzue Ti nin-ɔn. Nzue ti sɔ'n tɛ o lɛ lele ndɛ.

1 Samiɛl 15:19

?Ɔ yo sɛ ti yɛ a ti-man Anannganman i nuan ndɛ'n bɔ a fali bé bo ninnge'n wie-ɔ? ?Ɔ yo sɛ ti yɛ a fɔn Anannganman i mmla nin-ɔn?»

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.