Kalɛ 20:10 - NYANMIƐN NDƐ'N 1998

¹⁰ Moiz nin Aarɔn be yiali sran'm be kwlakwla yɛbuɛ'n i nyrun lɛ, kpɛkuun be seli be kɛ: «Amun `sie amún su, nyin keklefuɛ mun! ?E kwla yo man nzue fin yɛbuɛ nga nun ´fite man amun?»

Kalɛ 20:10 ပူးပေါင်းရင်းမြစ်များ

Bo Bolɛ 40:8

Yɛ be waan: «E cɛnnin laliɛ e nyan-man sran nan ɔ'a tu i bo ɔ'a man ye.» Yɛ Zozɛf waan: «?Nán Nyanmiɛn sa nun yɛ ninnge kwlaa be bo tulɛ'n fin-ɔn? An `kan kle min man n nian e.»

Bo Bolɛ 41:16

Zozɛf seli famiɛn'n kɛ: «Nannan, nán min yɛ n kwla tu i bo-ɔ. Nyanmiɛn yɛ ɔ kwla tu i bo klanman man wɔ-ɔ.»

Jue Mun 78:16

Nzue sɔ'n sonjili kɛ nzue ba dandan'm be nun nzue'n sa .

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Kalɛ 20:24

«Aarɔn su wa wu, afin ɔ su ju-man mɛn nga n ´fa man Izraɛlfuɛ mun'n i nun, yɛlɛ kɛ amún nyin a yi-man min Mɛriba nzue ti'n su lɔ.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

1 Korɛntfuɛ Mun 3:7

I sɔ'n ti, sran ng'ɔ ta'n nin sran ng'ɔ gua su nzue'n be lɛ-man dunman, sanngɛ Nyanmiɛn b'ɔ man ɔ yo kpa'n i yɛ ɔ lɛ dunman nin-ɔn.

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Mmla'n 9:24

Kɛ n si amun lele'n, amun nian yaci-man nyin kekle yolɛ'n Anannganman su le.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.