Kalɛ 20:1 - NYANMIƐN NDƐ'N 1998

¹ Anglo klikli'n nun'n, Izraɛlfuɛ'm be kwlakwla be juli Zin aawlɛ flɛnnɛn'n nun, be trannin Kadɛs lɛ. Lɛ yɛ Mari wuli-ɔ, be sieli i lɛ.

Kalɛ 20:1 ပူးပေါင်းရင်းမြစ်များ

Bo Bolɛ 14:7

I sin be sali be sin bali An-Mispat bɔ yɛlɛ Kadɛs'n, nan b'a kwla Amalɛkfuɛ mun. Be sacili be fie'm be kwlaa. I sin be kwlali Amɔrfuɛ nga be tran Azazɔn-Tamar'n.

Jue Mun 29:8

Anannganman i nɛn'n man aawlɛ flɛnnɛn'n ɔ keje. Anannganman i nɛn'n man Kadɛs aawlɛ flɛnnɛn'n ɔ keje.

Ezipt Lɔ Tulɛ'n 15:20

Kɛ ɔ yoli sɔ'n, Nyanmiɛn nuan ijɔfuɛ bla bɔ be flɛ i Mari, b'ɔ ti Aarɔn i niaan bla'n, ɔ fali klɛn ba kun. Kɛ ɔ ´bo'n, wuun Izraɛl mmla'm be kwlaa be ´si able be su i su.

Ezipt Lɔ Tulɛ'n 2:4

Bakan'n i niaan bla'n jran mmua lɔ niɛn i su nan ɔ ´wun sa nga ɔ ´ju bakan'n su'n.

Ezipt Lɔ Tulɛ'n 2:7

Yɛ bakan'n i niaan bla'n bali-ɔ, ɔ usali famiɛn'n i wa bla'n kɛ: «? A klo kɛ n ko kunndɛ bla ta kun Ebre'm be nun lɔ nan ɔ wa man ba'n i nyɔnflɛn man wɔ?»

Ezekiɛl 47:19

Ngua lɔ anyialiɛ liɛ'n, ɔ ´bo i bo Tamar, Mɛriba-Kadɛs nzue bo'n nun, ɔ ´san Ezipt nzue dan'n lele ɔ ´ju Mediterane jenvie'n wun lɔ kpɔ. Ngua lɔ anyialiɛ liɛ'n yɛ ɔ o lɛ-ɔ.

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Kalɛ 12:1

Moiz jali Kis lɔ bla kun. Mari nin Aarɔn be kannin i wun ndɛ tɛtɛ i bla aja sɔ'n ti.

Kalɛ 12:10

Kɛ sin wɛnsrɛn'n jasoli tannin sua'n su wieli'n, kpɛkuun fuaii, kokowe ufue yɛ ɔ'a yo Mari yɛ, kokowe sɔ'n ti ufue kɛ jese fɔkɔ sa. Aarɔn ´kpɛ i nyin nian Mari-ɔ, kokowe yɛ ɔ'a yo i yɛ.

Kalɛ 12:15

Be kannin Mari bo ngblaliɛ'n nun lele cɛn ba nso. Sran'm be minndɛli kɛ ɔ `sɛ i sin be afiɛn, nan b'a tu bé bo b'a ɔ lika uflɛ.

Kalɛ 13:21

Be ko niannin mɛn'n, be fɛli i Zin aawlɛ flɛnnɛn'n nun lɛ lele fa juli Rɛɔb, Amat i wun koko lɛ.

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Kalɛ 20:22

Izraɛlfuɛ'm be kwlakwla be tuli bé bo Kadɛs be ko juli Ɔr oka'n su.

Kalɛ 20:28

Moiz yili Aarɔn i wun Nyanmiɛn nyrun jranlɛ tralɛ'n, ɔ fa wlali i wa Eleazar wun. Oka'n ti su lɛ yɛ Aarɔn wuli-ɔ. Moiz nin Eleazar be fin oka'n su lɔ be jrali.

Kalɛ 26:59

Amram jali Zokebɛd, Levi i wa bla bɔ be wuli i Ezipt lɔ nin-ɔn. Zokebɛd nin Amram be wuli Aarɔn nin Moiz yɛ be niaan bla Mari.

Kalɛ 27:14

Sa ti b'ɔ ´yo sɔ'n yɛlɛ kɛ amun kacili mín nuan su ndɛ nga n kɛnnin i Zin aawlɛ flɛnnɛn'n nun lɔ'n. Amun kacili min nuan ndɛ'n blɛ nga Izraɛlfuɛ'm be kwlaa be kunndɛli min nin utre'n nun. Amu'an yo-man man min dunman'n ɔ'a fu-man be nyrun blɛ bɔ be waan be `man be nzue Kadɛs lɔ'n. Amun ti man n dunman ɔ'a fu-man Zin aawlɛ'n nun lɔ Mɛriba nzue bɔ be flɛ i Utre nzue'n i ndɛ'n su .»

Kalɛ 33:36

Kɛ be fɛli i Ɛzɔn-Gebɛr lɛ'n, be ko kpɛli be ngblaliɛ'n Zin aawlɛ flɛnnɛn'n nun lɔ, be flɛ lɛ lika sɔ'n kɛ Kadɛs.

Mmla'n 1:46

Amun trannin Kadɛs lɛ cɛli lɛ lɔuun kpa.

Mmla'n 2:14

Kɛ e fɛli i Kadɛs-Barnea lɔ bɔ e ´fa kpɛ Zerɛd nzue ba'n, e dili afuɛ ablasan-nin-mɔcuɛ. Kɛ ɔ ´ju sɔ'n, wuun alɛ kunfuɛ nga be o lɛ i sɔ blɛ'n nun'n be akpasua liɛ'n ɔ'a wie kɛ Anannganman kan kleli be'n sa .

Mmla'n 32:51

Amun yoli nyin kekle mín su Izraɛlfuɛ'm be nyrun Kadɛs lɔ Mɛriba nzue'n wun lɛ Zin aawlɛ flɛnnɛn'n nun lɔ. Amun yoli man m'an yi-man min wun m'an kle-man Izraɛlfuɛ'm be kɛ min nzuɛn nin klɔ sran liɛ'n ti-man kun. I sɔ'n ti,

Jɔlɛ Difuɛ Mun 11:16

Kɛ Izraɛlfuɛ'm be fin Ezipt lɔ be ´ba'n, be fali aawlɛ flɛnnɛn'n nun lɔ atin'n, be ko toli ndɛma jenvie'n, i sin be juli Kadɛs lɛ.