Kalɛ 2:25 - NYANMIƐN NDƐ'N 1998

^25-30 Man Dan ngblaliɛ'n i flanga'n, ɔ tran nglo lɔ, man i sonja'm be tran sin yiɛ i. Akpasua kun su'n, man i nun kpɛnngbɛn'n kun `yo be nga be kali be'n bɔ be kwla di sonja'n bé su kpɛn. Dan akpasua liɛ'n su'n, be fali Amisadai i wa yasua Aiezɛr, ɔ sie sran akpi-akpi ablesiɛn-nin-nnyɔn sran ya nso (62.700). Azɛr i akpasua liɛ'n su'n, be fali Ɔkran i wa yasua Pagiɛl, ɔ sie sran akpi-akpi ablenun-nin-nsan sran ya nnun (53.500). Nɛftali akpasua liɛ'n su'n, be fali Enan i wa yasua Aira, ɔ sie sran akpi-akpi ablenun-nin-nsan sran ya nnan (53.400).

Kalɛ 2:25 ပူးပေါင်းရင်းမြစ်များ

Kalɛ 1:12

Dan akpasua'n su'n, amun `fa Amisadai i wa yasua Aiezɛr.

Kalɛ 10:25

Be nga be nin Danfuɛ'm be yoli kun bɔ be nin be o Dan i flanga liɛ'n i sin'n be suli bé su. Be yɛ be cuɛn be kwlaa bé bo-ɔ. Dan i akpasua su sonja su kpɛn'n yɛlɛ Amisadai i wa Aiezɛr.

Kalɛ 3:35

Mɛrarifuɛ'm bé su kpɛnngbɛn'n yɛlɛ Abiail i wa Ziriɛl. Be ngblaliɛ liɛ'n wo Nyanmiɛn i lika'n i bue ng'ɔ kpɛ nglo lɔ'n i nun.