Kalɛ 2:2 - NYANMIƐN NDƐ'N 1998

² «Man Izraɛlfuɛ'm be yo be ngblaliɛ kunngun mun be sonja akpasua'n i flanga'n wun koko lɛ, ɔ nin be akpasua'n i nzɔliɛ'n wun lɛ. Nán man ngblaliɛ'n mantan tannin sua bɔ n yi mín wun nglo nun'n bɔ min alaka'n wo nun'n i koko dan, sanngɛ man be yo ngblaliɛ'n sin yiɛ i.

Kalɛ 2:2 ပူးပေါင်းရင်းမြစ်များ

Jue Mun 74:4

Be nga be nin wɔ be kun'n be kpannin kɛ asɔmɔli sa ɔ lika'n nun. Be fali be nzɔliɛ liɛ'n be sieli i lɛ.

Jue Mun 76:11

Sɛ sran'm be fa ya sɛ, i agualiɛ su'n, wɔ yɛ a nyan nyrun be ya falɛ sɔ'n nun-ɔn. Be nga be ko nyan bé ti ɔ́ ya liɛ bɔ a fa nun'n, be ´di cɛn be man wɔ.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 18:3

Amun nga amun wo mɛn wunmuan nun'n, amun bɔ amun tran asiɛ'n su'n, amun `nian nzɔliɛ nga be kplɛnnin i oka'm be su'n, amun `sie amún su kɛ be ´fita nnɛn wɛ nun'n.

Ezekiɛl 43:7

Anannganman seli min kɛ: «Klɔ sran, wa yɛ n wa jin min famiɛn bia nin-ɔn, lika nga nun yɛ n ja'n ɔ wa tia-a. N ´tran nun lɛ adudua Izraɛlfuɛ'm be afiɛn. Izraɛlfuɛ mun nin be famiɛn'm be su saci-man min dunman fɛ'n ɔ nin be amuɛn tatrata sɔlɛ'n, nin be famiɛn'm be fuɛn nga be tru be amuɛn bo'm be nun'n kun.

Zakari 9:16

Cɛn sɔ nun'n, Anannganman Nyanmiɛn ´de i sran mun kɛ nnɛn kankanfuɛ'n fa de i nnɛn mun'n sa. Be ´yo kɛ famiɛn kle'n i nun yɛbuɛ kpakpa bɔ be bo mianmian'n sa i lika'n nun.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 10:14

Be nga be kan be boli nun bɔ be o Zida i flanga'n i sin'n, be yɛ be dun mmua-a. Zida i akpasua su sonja'm be su kpɛn'n yɛlɛ Aminadab i wa yasua Naksɔn.

Kalɛ 10:18

I sin be nga be mantan be'n yɛlɛ be nga be nin Ribɛn i akpasua'n be yoli kun bɔ be o Ribɛn i flanga liɛ'n i sin'n. Ribɛn i akpasua su sonja'm bé su kpɛn'n yɛlɛ Sɛdeir i wa Elizir.

Kalɛ 10:22

Be nga be nin Efraimfuɛ mun be yoli kun bɔ be nin be o Efraim i flanga liɛ'n i sin'n yɛ be suli bé su-ɔ. Sran ng'ɔ ti Efraim i akpasua su sonja'm be kpɛn'n yɛlɛ Amiid i wa Elisama.

Kalɛ 10:25

Be nga be nin Danfuɛ'm be yoli kun bɔ be nin be o Dan i flanga liɛ'n i sin'n be suli bé su. Be yɛ be cuɛn be kwlaa bé bo-ɔ. Dan i akpasua su sonja su kpɛn'n yɛlɛ Amisadai i wa Aiezɛr.

Kalɛ 2:1

Anannganman seli Moiz nin Aarɔn be kɛ:

Kalɛ 2:10

Man Ribɛn i ngblaliɛ'n i flanga'n tran ngua lɔ nan i sonja'm be `tran sin yiɛ i. Akpasua kun su'n, man i nun kpɛnngbɛn'n kun yo be nga be kali be'n bɔ be kwla di sonja'n bé su kpɛn. Ribɛn akpasua liɛ'n su'n, be fali Sɛdeir i wa yasua Elizir, ɔ sie sran akpi-akpi ablanan-nin-nsiɛn sran ya nnun. (46.500) Simeɔn akpasua'n su'n, be fali Zirisadai i wa yasua Sɛlimiɛl, ɔ sie sran akpi-akpi ablenun-nin-ngwlan sran ya nsan (59.300) Gad akpasua'n su'n, be fali Deiɛl i wa Eliazaf, ɔ sie sran akpi-akpi ablanan-nin-nnun sran ya nsiɛn sran ablenun (45.650). Kɛ be kan sonja nga be o Ribɛn i akpasua'm be su'n be bo nun'n, bé nuan'n ti sonja akpi-akpi ya sonja akpi-akpi ablenun-nin-kun sonja ya nnan sonja ablenun. (151.450) Be yɛ be su Zidafuɛ'm bé su-ɔ.

Kalɛ 2:3

Man Zida sonja'm be akpasua'm be ngblaliɛ liɛ'n ɔ tran wia afiliɛ lɔ. Man be tran sin yia be flanga'n. Man akpasua kunngun'm be su kpɛn kunngun'm be yɛ be yo be nga be kali be'n, bɔ be kwla di sonja'n bé su kpɛn nin-ɔn. Zida akpasua liɛ'n su'n, be fali Aminadab i wa yasua Naksɔn, ɔ sie sran akpi-akpi ableso-nin-nnan sran ya nsiɛn (74.600). Isakar akpasua liɛ'n su, be fali Ziar i wa yasua Nɛtaneɛl, ɔ sie sran akpi-akpi ablenun-nin-nnan sran ya nnan (54.400). Zabilɔn akpasua liɛ'n su'n, be fali Elɔn i wa yasua Eliab, ɔ sie sran akpi-akpi ablenun-nin-nso sran ya nnan (57.400).

Kalɛ 24:2

Kɛ ɔ niannin lɔ sɔ'n, ɔ wunnin Izraɛlfuɛ'm bɔ be o be ngblaliɛ'n nun lɔ'n, nan Nyanmiɛn Wawɛ'n ɔ'a jrɛ i su,

1 Korɛntfuɛ Mun 14:33

afin Nyanmiɛn yo sa i nuan su, ɔ klo-man sa sukusuku'n. Nán man mmla'm be ijɔ asɔnun'n nun, afin sɛ be ijɔ'n, ɔ ti-mɛn i nuan su. Be bɔ be ti Nyanmiɛn liɛ'n, kɛ be yo i sɔ asɔnun'n kwlaa nun-ɔn. Man mmla'm bé nyin yi be bɔ be sie be'n, afin be klɛli mmla'n nun sɔ .

1 Korɛntfuɛ Mun 14:40

sanngɛ an `yo i kwlaa i nuan su sɛsɛsɛ, nán man ɔ yo sukusuku.

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Kolɔsfuɛ Mun 2:19

Ɔ fɛ-mɛn i wun mantan-man Krist b'ɔ ti bé ti'n i kpa kun. Krist yɛ man be akpɔlɛ akpɔlɛ nin be ndin'm be sasa su-ɔ, i yɛ man be wunnɛn wunmuan'n yo kpa yɛ ɔ nyin kɛ Nyanmiɛn klo kɛ ɔ nyin'n sa-a.

Zozie 3:4

kɛ ɔ ´yo nan amu'an wun atin nga e ´fa su'n ti, afin atin sɔ'n, amun nian fɛ-mɛn i le. Sanngɛ nán amun wunnge alaka'n wun koko ngboko. Man kilo kun tran amun afiɛn.»