Kalɛ 2:18 - NYANMIƐN NDƐ'N 1998

^18-23 Man Efraim ngblaliɛ'n i flanga'n tran wia atɔliɛ lɔ, nan i sonja'm be `tran sin yiɛ i. Akpasua kun su'n, man i nun kpɛnngbɛn'n kun yo be nga be kali be'n bɔ be kwla di sonja'n bé su kpɛn. Efraim akpasua liɛ'n su'n, be fali Amiid i wa yasua Elisama, ɔ sie sran akpi-akpi ablanan sran ya nnun (40.500). Manase akpasua liɛ'n su'n, be fali Pɛdazir i wa yasua Gamliɛl, ɔ sie sran akpi-akpi ablasan-nin-nnyɔn sran ya nnyɔn (32.200). Bɛnzamɛn akpasua liɛ'n su'n, be fali Gidɛɔni i wa yasua Abidan, ɔ sie sran akpi-akpi ablasan-nin-nnun sran ya nnan (35.400).

Kalɛ 2:18 ပူးပေါင်းရင်းမြစ်များ

Bo Bolɛ 48:5

Zakɔb kɛnnin i ekun kɛ: «Ba nnyɔn nga a wuli be Ezipt wa ka nan m'an ba ɔ́ wun wa'n, be ti mín wa. Efraim nin Manase be ti min liɛ kɛ Ribɛn nin Simeɔn be ti min liɛ'n sa.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Kalɛ 1:10

Zozɛf i mma'm be liɛ'n, Efraim akpasua'n su'n, amun `fa Amiid i wa yasua Elisama. Manase akpasua'n su'n, amun `fa Pɛdazir i wa yasua Gamliɛl.

Kalɛ 10:22

Be nga be nin Efraimfuɛ mun be yoli kun bɔ be nin be o Efraim i flanga liɛ'n i sin'n yɛ be suli bé su-ɔ. Sran ng'ɔ ti Efraim i akpasua su sonja'm be kpɛn'n yɛlɛ Amiid i wa Elisama.

Mmla'n 33:17

Zozɛf ti kpinndin-kpinndin kɛ nannin tola wie sa. Ɔ lɛ wunmiɛn kɛ awuɛ sa. I wɛ nnyɔn'n yɛ ɔ fa bo nvle mun-ɔn. Ɔ bo be kwlaa lele fa kpɛn mɛn'n i awieliɛ lɔ. I wɛ sɔ'n, kun yɛlɛ Efraim i akpasua su sran kpanngban mun. Kun kusu yɛlɛ Manase i osu nun sran kaka mun.»