Kalɛ 19:9 - NYANMIƐN NDƐ'N 1998

⁹ Man sran ng'ɔ ti-man fiɛn'n wie'n, ɔ isa nannin'n i nzuɛn'n guɛ i lika b'ɔ ti min liɛ klonglo'n kun nun ngblaliɛ'n sin lɔ. Be `sie nzuɛn sɔ'n lɛ, ɔ ti Izraɛlfuɛ'm be kwlaa be liɛ, be fa gua nzue bɔ be fa kplo bé wun fiɛn'n i nun. I sɔ nzue'n ti kɛ tɛ bɔ be yi be fa kpata min'n sa.

Kalɛ 19:9 ပူးပေါင်းရင်းမြစ်များ

Saun Yolɛ 15:20

Bɛ kwlaa nga bɔ bla nga i sa'n ti buwa'n ɔ la su'n, ɔ nin bia nga b'ɔ tran su'n, wuun like sɔ'm b'a wlu fiɛn nun.

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Kalɛ 19:13

Sran ng'ɔ kan fuɛn nan i waan ɔ wunnzin-man'n, ɔ yo min tranwlɛ'n i fiɛn. Be `kɛn i sɔ sran'n i bo Izraɛlfuɛ'm be afiɛn. Afin kɛ b'a fa-man nzue ng'ɔ tu fiɛn'n wie b'a guɛ-mɛn i su'n ti ɔ tɛ o fiɛn nun.

Kalɛ 19:17

Sɛ be waan be ´tu sran ng'ɔ yoli fiɛn'n i wun fiɛn'n, man be fa nannin nga be fa yili tɛ'n i nzuɛn'n wie be gua kpongbo kun nun, nan be `fa nzue ng'ɔ fin nzue ti kun nun'n wie be `gua su.

Kalɛ 19:18

Sɛ sran yɛ ɔ wuli'n, man sran saun kun fa waka nga be flɛ i izɔp'n i sama kun fa wla nzue'n nun, nan ɔ `fa kpɛntɛn-kpɛntɛn tannin sua nga sran'n wuli nun'n i su. Man ɔ fa nzue sɔ'n wie kpɛntɛn-kpɛntɛn tannin sua sɔ'n i nun ninnge'm be kwlaa nin sran nga be o nun lɛ'm bé su. Sran ng'ɔ kannin sran owie'n annzɛ fuɛn annzɛ asieliɛ'n, man sran ng'ɔ ti saun sɔ'n ɔ fa kpɛntɛn-kpɛntɛn i wun nan ɔ tu i wun fiɛn'n wie.

Kalɛ 19:3

amun `fa wla min nyrun jranfuɛ Eleazar sa nun. Man i kusu ɔ fɛ i wɔ ngblaliɛ'n i sin lɔ nan be `kpɛ i kɔmin i nyrun lɛ.

Kalɛ 19:8

Man sran ng'ɔ yrali nannin'n ɔ kpu i wun ninnge'm be wie, yɛ ɔ `wunnzin. I kusu ɔ o fiɛn nun lele nnɔsua.

Kalɛ 6:12

Ɔ `fɛ i wun wla mín sa nun ekun, ɔ `man bua kaan kun bɔ ɔ'a di afuɛ kun'n, ɔ `fa yi tɛ `fa siesie ɔ nin min e afiɛn. Blɛ ng'ɔ dun mmua dili i laa'n, be ka wlɛ-mɛn i cɛn nun kun, yɛlɛ kɛ i sɔ blɛ'n sacili.

Kalɛ 8:7

Wafa nga a wa fa kplo be wun fiɛn'n yɛ. Kpɛntɛn-kpɛntɛn bé su nzue b'ɔ salo sa tɛ'n. Man be bɔbɔ be fa laliɛ lɛman be yiyi be wunnɛn wunmuan'n su ndrɛ'n, man be kpu be tralɛ mun, man bé wun ɔ sa .

Kalɛ 9:13

Sɛ sran kun ti saun'n, sɛ kusu ɔ'a ɔ-man lika nan i waan ɔ di-man Delɛ-cɛn'n wie'n, man be tu i min nvlefuɛ'm be afiɛn, kɛ bɔ sran sɔ'n ɔ'a yi-mɛn i cɛlɛ ninnge nga be kleli i blɛ kɛ be `yi'n ti'n, ɔ wa sua i tɛ trɔ'n.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Hébreu 9:13

Boli kpakpuɛ nin nannin tola'm be mmoja'n, be fa kpɛntɛn-kpɛntɛn be nga be kan fiɛn'n bé wun be fa yo be saun. Nannin tola bɔ be yrɛ i'n, be fɛ i nzuɛn'n be guagua bé wun ekun .