Kalɛ 19:8 - NYANMIƐN NDƐ'N 1998

⁸ Man sran ng'ɔ yrali nannin'n ɔ kpu i wun ninnge'm be wie, yɛ ɔ `wunnzin. I kusu ɔ o fiɛn nun lele nnɔsua.

Kalɛ 19:8 ပူးပေါင်းရင်းမြစ်များ

Saun Yolɛ 11:25

Sran kwlaa nga b'ɔ sua nnɛn sɔ'm be fuɛn'n, man ɔ kpu i wun tralɛ mun. I kusu kɛ ɔ ko suɛ i sɔ'n, lele b'ɔ ´fa ju nnɔsua'n, wuun fiɛn tɛ o i wun.

Saun Yolɛ 16:28

Sran nga b'ɔ wɔ i sɔ nnɛn liɛ'm be nun'n, man ɔ kpu i wun tralɛ mun, ɔ `wunnzin nan ɔ'a sɛ i sin min nanmue'n nun lɔ.

Saun Yolɛ 17:15

Sɛ nnɛn wie wuli i sa su'n, sɛ wie kusu-ɔ blo nnɛn wie kunnin nnɛn'n, nan Izraɛlfuɛ kun annzɛ kusu aofuɛ wie b'ɔ tran Izraɛl wa'n, ɔ di i nnɛn'n, man i sɔ sran'n ɔ kpu i wun tralɛ mun nan i bɔbɔ'n ɔ `wunnzin. Sanngɛ kɛ ɔ ´yo sɔ'n, wuun ɔ tɛ o fiɛn nun lele sɛnzɛ'n ´fa tɔ kwlaa nan i wun ɔ'a sa.

Kalɛ 19:21

Man Izraɛlfuɛ'm be di mmla nga su tititi. Sran ng'ɔ fa fiɛn kplolɛ nzue fa kplo sran ng'ɔ o fiɛn nun'n i fiɛn'n, man i bɔbɔ kusu ɔ kpu i wun ninnge mun. Sran ng'ɔ kan nzue nga be fa tu fiɛn'n, ɔ ´yo fiɛn lele fa ju nnɔsua.

Kalɛ 19:7

Man min nyrun jranfuɛ'n ɔ kpu i wun ninnge mun, yɛ man i bɔbɔ wunmuan kpa'n ɔ fa nzue `wunnzin. I sin, man ɔ sɛ i sin ngblaliɛ'n nun lɔ. Sanngɛ ɔ o fiɛn nun lele nnɔsua.

Kalɛ 19:9

Man sran ng'ɔ ti-man fiɛn'n wie'n, ɔ isa nannin'n i nzuɛn'n guɛ i lika b'ɔ ti min liɛ klonglo'n kun nun ngblaliɛ'n sin lɔ. Be `sie nzuɛn sɔ'n lɛ, ɔ ti Izraɛlfuɛ'm be kwlaa be liɛ, be fa gua nzue bɔ be fa kplo bé wun fiɛn'n i nun. I sɔ nzue'n ti kɛ tɛ bɔ be yi be fa kpata min'n sa.