Kalɛ 19:7 - NYANMIƐN NDƐ'N 1998

⁷ Man min nyrun jranfuɛ'n ɔ kpu i wun ninnge mun, yɛ man i bɔbɔ wunmuan kpa'n ɔ fa nzue `wunnzin. I sin, man ɔ sɛ i sin ngblaliɛ'n nun lɔ. Sanngɛ ɔ o fiɛn nun lele nnɔsua.

Kalɛ 19:7 ပူးပေါင်းရင်းမြစ်များ

Saun Yolɛ 11:24

«I sɔ nnɛn liɛ mun'n, sɛ amun kan be-ɔ wuun amu'an kan fiɛn. Sran ng'ɔ kan be fuɛn'n, kɛ ɔ fɛ i lele b'ɔ ´fa ju nnɔsua'n, wuun i sɔ sran liɛ'n ɔ tɛ o fiɛn nun.

Saun Yolɛ 11:25

Sran kwlaa nga b'ɔ sua nnɛn sɔ'm be fuɛn'n, man ɔ kpu i wun tralɛ mun. I kusu kɛ ɔ ko suɛ i sɔ'n, lele b'ɔ ´fa ju nnɔsua'n, wuun fiɛn tɛ o i wun.

Saun Yolɛ 11:27

Ɔ nin ajannan kwlaa ng'ɔ nanti i ja ngbabua'n su'n. Sran kwlaa ng'ɔ kan be fuɛn'n, kɛ ɔ fɛ i lele b'ɔ ´fa ju nnɔsua'n, wuun i sɔ sran liɛ'n tɛ o fiɛn nun.

Saun Yolɛ 11:28

Sran kwlaa nga b'ɔ sua nnɛn sɔ'm be fuɛn'n, ɔ fata kɛ ɔ kpu i wun tralɛ mun. I kusu kɛ ɔ ko suɛ i sɔ'n, lele b'ɔ ´fa ju nnɔsua'n, wuun fiɛn tɛ o i wun wie.

Saun Yolɛ 11:31

I sɔ nnɛn liɛ mun'n, amun `bu be like fiɛn. Sran kwlaa ng'ɔ kan bé fuɛn'n, kɛ ɔ fɛ i lele bɔ ´fa ju nnɔsua'n, wuun ɔ o fiɛn nun.

Saun Yolɛ 11:32

Sɛ nnɛn nga be o lɛ mun be nun kun wu'n, like kwlaa nga i fuɛn'n ɔ kɛn i'n, like kɛ kɔlɛ sa o, ɔ nin kɛ tralɛ sa o, kɛ kplo sa o, sɛ kusu kɛ pata sa o, sɛ i sɔ nnɛn'n i fuɛn'n ɔ kɛn i'n, lele bɔ ´fa ju nnɔsua'n, wuun ɔ o fiɛn nun. Kɛ nnɔsua ko ju'n, wuun fiɛn nun-mɛn i wun kun.

Saun Yolɛ 11:39

Nnɛn nga b'ɔ ti dilɛ liɛ'n, b'ɔ wu i sa su'n, sran kwlaa nga b'ɔ kɛn i fuɛn'n, i sɔ sran liɛ'n, kɛ ɔ fɛ i lele b'ɔ ´fa ju nnɔsua'n, ɔ tɛ o fiɛn nun.

Saun Yolɛ 11:40

Sran nga b'ɔ di i sɔ nnɛn liɛ'n, ɔ fata kɛ ɔ kpu i wun tralɛ mun. Sanngɛ lele bɔ lika'n ´fa jɔ'n, wuun ɔ́ tɛ o fiɛn nun. I kunngba'n, sran nga b'ɔ sua nnɛn sɔ'n i fuɛn'n, ɔ fata kɛ ɔ kpu i wun tralɛ mun wie. I kunngba'n, kɛ ɔ fɛ i lele bɔ ´fa ju nnɔsua'n, wuun ɔ tɛ o fiɛn nun wie ekun.

Saun Yolɛ 14:46

Sran kwlaa nga bɔ sɛ i cɛn nga bɔ be nyin sua'n i nuan'n ɔ tike ɔ wlu lɔ'n, wuun fiɛn ɔ'a kɛn i sɔ sran'n. Kɛ ɔ fɛ i lele bɔ ´fa ju nnɔsua'n, wuun ɔ tɛ o fiɛn nun.

Saun Yolɛ 15:5

Sran nga b'ɔ ko kɛn i sɔ bɛ liɛ'n, wuun ɔ'a kan fiɛn. I sɔ'n ti ɔ fata kɛ ɔ kpu i wun tralɛ mun yɛ ɔ wunnzin, sanngɛ lele b'ɔ ´fa ju nnɔsua'n, wuun ɔ tɛ o fiɛn'n nun.

Saun Yolɛ 22:6

sran ng'ɔ kɛn i sɔ ninnge liɛ mun'n, i lele b'ɔ ´fa ju nnɔsua'n, wuun fiɛn tɛ o i wun. A ´wun kɛ i nuan ɔ ´kan ninnge nga be mannin min'n wie'n, wuun i bɔbɔ wunmuan'n ɔ'a wunnzin.

Kalɛ 19:10

Sran ng'ɔ isa nannin'n i nzuɛn'n, man ɔ kpu i wun ninnge'm be wie, ɔ o fiɛn nun lele nnɔsua. Man Izraɛlfuɛ'm be nin aofuɛ nga be tran be afiɛn'm be di mmla sɔ'n su titi.»

Kalɛ 19:19

Man sran b'ɔ ti saun'n ɔ tu sran ng'ɔ ti fiɛn'n i wun fiɛn'n, cɛn ba nsan'n su nin cɛn ba nso'n su. I sin, man sran ng'ɔ ti fiɛn'n ɔ kpu i tralɛ mun nan ɔ `wunnzin, kpɛkuun nnɔsua ɔ'a yo saun.

Kalɛ 19:21

Man Izraɛlfuɛ'm be di mmla nga su tititi. Sran ng'ɔ fa fiɛn kplolɛ nzue fa kplo sran ng'ɔ o fiɛn nun'n i fiɛn'n, man i bɔbɔ kusu ɔ kpu i wun ninnge mun. Sran ng'ɔ kan nzue nga be fa tu fiɛn'n, ɔ ´yo fiɛn lele fa ju nnɔsua.

Kalɛ 19:22

Like kwlaa nga bɔ sran ng'ɔ ti fiɛn'n kɛn i'n, like sɔ'n ɔ ´yo fiɛn. Sran ng'ɔ ko kɛn i sɔ like liɛ'n, ɔ ´yo fiɛn lele fa ju nnɔsua.»

Kalɛ 19:8

Man sran ng'ɔ yrali nannin'n ɔ kpu i wun ninnge'm be wie, yɛ ɔ `wunnzin. I kusu ɔ o fiɛn nun lele nnɔsua.

Hébreu 13:11

Afin kɛ Nyanmiɛn nyrun jranfuɛ'm be su kpɛn'n fa nnɛn bɔ be fa sɔ Nyanmiɛn'n i mmoja'n kɔ Nyanmiɛn bɔbɔ i lika kpa nun'n, be fɛ i nnɛn'n ko yrɛ i klɔ'n tiwa lɔ .