Kalɛ 19:4 - NYANMIƐN NDƐ'N 1998

⁴ Man min nyrun jranfuɛ Eleazar fɛ i sama kun `fa nannin'n i mmoja'n kan, nan ɔ `fa kpɛntɛn-kpɛntɛn tannin sua'n i nyrun lika'n i ndɛnman.

Kalɛ 19:4 ပူးပေါင်းရင်းမြစ်များ

Saun Yolɛ 16:14

Ɔ `fɛ i sama'n kun bo nannin'n i mmoja'n nun, nan ɔ `fa kpɛntɛn-kpɛntɛn alaka'n i tre'n i bue ng'ɔ kaci wia afiliɛ lɔ'n su kpalɛ kun. Kpɛkuun ɔ `fa kpɛntɛn-kpɛntɛn alaka'n i nyrun wa kpɛ nso.

Saun Yolɛ 16:19

Man ɔ fɛ i sama'n kun bo mmoja'n nun nan ɔ `fa kpɛntɛn-kpɛntɛn min sɔwlɛ'n su kpɛ nso. Kɛ ɔ ´yo i sɔ lɛ'n, wuun fiɛn'n bɔ Izraɛlfuɛ'm be fa kannin min sɔwlɛ sɔ'n, i kplolɛ yɛ ɔ ´kplo i lɛ-ɔ. Kpɛkuun wuun ɔ'a sin i osu laa'n nun ekun.

Saun Yolɛ 4:17

Ɔ `fɛ i sama'n kun bo i nnɛn'n i mmoja'n nun, nan ɔ `fa kpɛntɛn-kpɛntɛn tannin ng'ɔ kpɛ min sua'n nun'n i bue ng'ɔ fite weiin nun wa'n i nun sɔ kpɛ nso.

Saun Yolɛ 4:6

Ɔ `fɛ i sama'n kun bo i nnɛn i mmoja'n nun, nan ɔ `fa kpɛntɛn-kpɛntɛn tannin ng'ɔ kpɛ min sua'n nun i bue ng'ɔ fite weiin nun wa'n i nun. Ɔ `yo i sɔ kpɛ nso min nyrun lɛ.

Hébreu 12:24

nin Jésus b'ɔ ti aenguɛ uflɛ nga Nyanmiɛn waan ɔ nin sran'm be ´tra'n i nun jranfuɛ'n be wun. Jésus mmoja b'ɔ fa kpɛntɛn-kpɛntɛn'n, sɛ ɔ kwla ijɔ'n, wuun ɔ ´kan ndɛ fɛ tra Abɛl liɛ'n .

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!