Kalɛ 19:2 - NYANMIƐN NDƐ'N 1998

² amun `kan kle Izraɛlfuɛ'm be kɛ be `kunndɛ nannin bla ɔkwlɛ bɔ lɛ fi nun-mɛn i wun b'ɔ nian sua-man kɔmin su waka le'n,

Kalɛ 19:2 ပူးပေါင်းရင်းမြစ်များ

Ezipt Lɔ Tulɛ'n 12:5

Man bua nga ɔ'a kpɛ cro'n annzɛ boli nga ɔ'a kpɛ cro'n bɔ be ´fa'n, ɔ yo nga ɔ'a di afuɛ kun bɔ lɛ fi nun-mɛn i wun'n.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ngwlɛ Yilɛ 1:14

Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Saun Yolɛ 1:10

Sɛ sran kun waan ɔ ´fa bua, wie kusu-ɔ, ɔ ´fa boli yi tɛ nga be yrɛ i nnɛn'n kɔlikɔli'n, man nnɛn sɔ'n yo yasua, yɛ nán man lɛ trɛn i wun.

Saun Yolɛ 1:3

Sɛ nannin yɛ ɔ ´fa yi tɛ nga be yrɛ i nnɛn'n kɔlikɔli'n, man ɔ yo nannin tola, kusu nán man lɛ trɛn i wun. Ɔ `fa ko man min tannin sua'n i anuan nun lɔ nan m'an sɔ nun klanman.

Saun Yolɛ 14:6

Anunman kun nga i nyin o su'n kusu, man min nyrun jranfuɛ'n ɔ fa, yɛ sɛdri waka'n nin bua ndrɛ tannin'n bɔ ti ɔkwlɛ youun nin izɔp sama, man ɔ fa be ngba'n ɔ bo i anunman kun nga be kpɛli i kɔmin'n i mmoja'n nun, ɔ nin nzue'n nun.

Kalɛ 19:1

Anannganman seli Moiz nin Aarɔn be kɛ: «Ndɛ kun yɛ min Anannganman n su kɛn i yɛ:

Kalɛ 19:6

Man min nyrun jranfuɛ'n fa sɛdri waka nin izɔp waka, ɔ nin bua ndrɛ tannin kun b'ɔ ti ɔkwlɛ youun, ɔ `fa be gua sin'n i afiɛn nannin bla'n su.

Kalɛ 31:21

I sin Nyanmiɛn nyrun jranfuɛ Eleazar seli be nga be ko kunnin alɛ'n be kɛ: «Mmla nga Anannganman fa mannin Moiz'n yɛ.

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

Mmla'n 21:3

Kpɛkuun man klɔ ng'ɔ mantan fuɛn'n i koko'n i su kpɛnngbɛn'm be fa nannin bla kun bɔ be nian fa di-man junman le, bɔ be nian sie-mɛn i kɔmin su waka le'n.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Piɛr 2:22

Ɔ'a yo-man sa tɛ le, b'a ti-man gblɛ ndɛ fi i nuan nun le .

1 Samiɛl 6:7

Amun `yo kakaklolo uflɛ kun. Amun `fa nannin ta nnyɔn bɔ be nian di-man junman le'n amun `fa be minnda kakaklolo'n. Amun `ti bé sin ba mun nan amun `fa be mma sɔ mun sa bé sin be tuin'n nun lɔ.